---
title: "മകനുമായി വഴക്കിട്ട് കിണറ്റിൽ ചാടി; വയോധിക കുടുങ്ങി കിടന്നത് മണിക്കൂറുകളോളം, ഒടുവിൽ രക്ഷകരായി പോലീസ്"
english_title: "Elderly woman from Edava falls into well in Varkala"
publisher: "truevisionnews.com"
canonical_url: "https://truevisionnews.com/news/306916/elderly-woman-from-edava-falls-into-well-in-varkala"
published_at: "2025-08-06T20:25:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/68936ef7a72e0_frfgvfff.jpg"
keywords: []
---

# മകനുമായി വഴക്കിട്ട് കിണറ്റിൽ ചാടി; വയോധിക കുടുങ്ങി കിടന്നത് മണിക്കൂറുകളോളം, ഒടുവിൽ രക്ഷകരായി പോലീസ്

> **Lead Summary:** **തിരുവനന്തപുരം:** മദ്യപിച്ചെത്തിയ മകനുമായി വഴക്കിട്ട് കിണറ്റിൽ ചാടിയ വയോധിക കുടുങ്ങി കിടന്നത് മണിക്കൂറുകളോളം. വർക്കലയിൽ ഇടവ സ്വദേശിയായ 63 കാരിയായ പ്രശോഭനയാണ് കിണറ്റിൽ അകപ്പെട്ടത്. മകൻ അനീഷുമായി വഴക്കിട്ടതിനെത്തുടർന്ന് പ്രശോഭന കിണറ്റിൽ ചാടുകയായിരുന്നു.

## Article Content

**തിരുവനന്തപുരം:** മദ്യപിച്ചെത്തിയ മകനുമായി വഴക്കിട്ട് കിണറ്റിൽ ചാടിയ വയോധിക കുടുങ്ങി കിടന്നത് മണിക്കൂറുകളോളം. വർക്കലയിൽ ഇടവ സ്വദേശിയായ 63 കാരിയായ പ്രശോഭനയാണ് കിണറ്റിൽ അകപ്പെട്ടത്. മകൻ അനീഷുമായി വഴക്കിട്ടതിനെത്തുടർന്ന് പ്രശോഭന കിണറ്റിൽ ചാടുകയായിരുന്നു.

പുലർച്ചെ കിണറ്റിൽ വീണ ഇവർ മണിക്കൂറുകളോളം മോട്ടോർ പൈപ്പിൽ പിടിച്ചാണ് കിടന്നത്. പുലർച്ചെ ശബ്ദം കേട്ട് സ്ഥലത്തെത്തിയ നാട്ടുകാരാണ് കിണറ്റിൽ ഒരാൾ വീണതായി അറിഞ്ഞത്. തുടർന്ന് ഫയർഫോഴ്സ് എത്തി പ്രശോഭനയെ രക്ഷപ്പെടുത്തി ആശുപത്രിയിൽ എത്തിച്ചു. ഈ സംഭവത്തിന് പിന്നാലെ മകൻ അനീഷിനെ പൊലീസ് കസ്റ്റഡിയിലെടുത്തു. 

മറ്റൊരു സംഭവത്തിൽ കാസര്‍കോട് മടിക്കൈ ഗവ. ഹയര്‍സെക്കണ്ടറി സ്‌കൂളിലെ റാഗിങ് പരാതിയില്‍ കേസെടുത്തു. 15 വിദ്യാര്‍ത്ഥികള്‍ക്കെതിരെയാണ് കേസെടുത്തത്. കഴിഞ്ഞ ദിവസമായിരുന്നു ഷര്‍ട്ടിന്റെ ബട്ടണ്‍സ് ഇട്ടില്ലെന്നാരോപിച്ച് പ്ലസ്ടു വിദ്യാര്‍ത്ഥികള്‍ പ്ലസ്‌വണ്‍ വിദ്യാര്‍ത്ഥിയെ മര്‍ദിച്ചെന്ന് ആരോപിച്ച് പരാതി നല്‍കിയത്. സംഘം ചേര്‍ന്ന് മര്‍ദിച്ചെന്നായിരുന്നു പരാതി.

ഷാനിദിൻ്റെ വസ്ത്രധാരണവുമായി ബന്ധപ്പെട്ടുള്ള തർക്കമാണ് ക്രൂര മർദ്ദനത്തിൽ കലാശിച്ചത്. ഷർട്ടിൻ്റെ ബട്ടൺ ഇടാത്തത് ചോദ്യം ചെയ്ത പ്ലസ് ടു വിദ്യാർത്ഥികളും ഷാനിദും തമ്മിൽ സംഘർഷമുണ്ടാവുകയും പിന്നീട് പ്ലസ് ടു വിദ്യാർത്ഥികൾ സംഘം ചേർന്ന് വിദ്യാർത്ഥിയെ ആക്രമിക്കുകയുമായിരുന്നു.

അടിയേറ്റ് ബോധം പോയ ഷാനിദിനെ സ്‌കൂളിലെ അധ്യാപകരാണ് ആശുപത്രിയിലെത്തിച്ചത്. തോയമ്മലിലെ കാഞ്ഞങ്ങാട് ജില്ലാ ആശുപത്രിയിൽ ചികിത്സയിൽ കഴിയുകയാണ് ഷാനിദ്. സ്‌കൂളിൽ പ്ലസ് വൺ സയൻസ് വിദ്യാർത്ഥിയാണ് ഷാനിദ്. സംഭവത്തിൽ ഷാനിദിൻ്റെ കുടുംബം ഹൊസ്‌ദുർഗ് പൊലീസിന് പരാതി നൽകി. കുട്ടിയുടെ മൊഴിയും രേഖപ്പെടുത്തിയിരുന്നു. സ്‌കൂളിൻ്റെ ഭാഗത്ത് നിന്നുള്ള പരാതി നാളെ രാവിലെ പൊലീസിന് കൈമാറുമെന്നാണ് അധ്യാപകർ അറിയിച്ചിരിക്കുന്നത്.

### Related Links & Sources
- [Original Story Source](https://truevisionnews.com/news/306916/elderly-woman-from-edava-falls-into-well-in-varkala)