---
title: "കൊടുംക്രൂരതയുടെ ദൃശ്യം സമൂഹമാധ്യമത്തിൽ; പൂച്ചയെ കൊന്ന് തല വേർപെടുത്തി; ജാക്കി ലിവർ കൊണ്ട് അടിച്ചു പരത്തിയ സംഭവം, യുവാവ് അറസ്റ്റിൽ"
english_title: "A video of brutality goes viral on social media Cat killed and beheaded Man arrested for beating him with a jackknife"
publisher: "truevisionnews.com"
canonical_url: "https://truevisionnews.com/news/306781/a-video-of-brutality-goes-viral-on-social-media-cat-killed-and-beheaded-man-arrested-for-beating-him-with-a-jackknife"
published_at: "2025-08-06T10:34:00+05:30"
category: "Crime"
language: "ml"
image: "https://truevisionnews.com/image-uploads/6892e28583006_yuytu.jpg"
keywords: []
---

# കൊടുംക്രൂരതയുടെ ദൃശ്യം സമൂഹമാധ്യമത്തിൽ; പൂച്ചയെ കൊന്ന് തല വേർപെടുത്തി; ജാക്കി ലിവർ കൊണ്ട് അടിച്ചു പരത്തിയ സംഭവം, യുവാവ് അറസ്റ്റിൽ

> **Lead Summary:** **ചെർപ്പുളശ്ശേരി: ( **[www.truevisionnews.com]** )** പൂച്ചയെ കൊന്ന് ദൃശ്യങ്ങൾ സമൂഹമാധ്യമത്തിൽ പോസ്റ്റ് ചെയ്ത സംഭവത്തിൽ ലോറി ഡ്രൈവർ അറസ്റ്റിൽ. ചെർപ്പുളശ്ശേരി മഠത്തിപ്പറമ്പ് പാലപ്പുഴ വീട്ടിൽ ഷജീറിന് എതിരെ ചെർപ്പുളശ്ശേരി പൊലീസ് കേസെടുത്തു. മൃഗസ്നേഹിയും അനിമൽ റസ്ക്യു പഴ്സനുമായ തിരുവാഴിയോട് ഇയ്യള വീട്ടിൽ ജിനേഷ് നൽകിയ പരാതിയിലാണു കേസ്.

## Article Content

**ചെർപ്പുളശ്ശേരി: ( **[www.truevisionnews.com]** )** പൂച്ചയെ കൊന്ന് ദൃശ്യങ്ങൾ സമൂഹമാധ്യമത്തിൽ പോസ്റ്റ് ചെയ്ത സംഭവത്തിൽ ലോറി ഡ്രൈവർ അറസ്റ്റിൽ. ചെർപ്പുളശ്ശേരി മഠത്തിപ്പറമ്പ് പാലപ്പുഴ വീട്ടിൽ ഷജീറിന് എതിരെ ചെർപ്പുളശ്ശേരി പൊലീസ് കേസെടുത്തു. മൃഗസ്നേഹിയും അനിമൽ റസ്ക്യു പഴ്സനുമായ തിരുവാഴിയോട് ഇയ്യള വീട്ടിൽ ജിനേഷ് നൽകിയ പരാതിയിലാണു കേസ്.

മൃഗങ്ങളോടുള്ള ക്രൂരത തടയൽ വകുപ്പു ചുമത്തിയാണു കേസെടുത്തത്. പൂച്ചയ്ക്ക് ആദ്യം പലഹാരം കൊടുക്കുന്നതും തുടർന്ന് ഇതിനെ കൊന്നു തലയും മറ്റ് അവയവങ്ങളും വേർതിരിച്ച ശേഷം ഇറച്ചി ജാക്കി ലിവർ കൊണ്ട് അടിച്ചുപരത്തുന്ന ദൃശ്യങ്ങളാണു സമൂഹമാധ്യമ പേജിലൂടെ പ്രചരിപ്പിച്ചത്.

ദൃശ്യങ്ങൾ പ്രചരിച്ചതോടെ യുവാവിനെതിരെ നടപടിയെടുക്കണമെന്നു വിവിധ കോണുകളിൽ നിന്ന് ആവശ്യം ഉയർന്നിരുന്നു. ജിനേഷിന്റെ പരാതി ലഭിച്ച സാഹചര്യത്തിലാണു പൊലീസ് കേസ് റജിസ്റ്റർ ചെയ്തത്. യുവാവ് സ്റ്റേഷനിൽ ഹാജരായതായാണു പൊലീസ് നൽകുന്ന സൂചന.

### Related Links & Sources
- [Original Story Source](https://truevisionnews.com/news/306781/a-video-of-brutality-goes-viral-on-social-media-cat-killed-and-beheaded-man-arrested-for-beating-him-with-a-jackknife)