---
title: "ക്രൂരതയുടെ 'സ്റ്റോറി'; പൂച്ചയെ കഴുത്തറുത്ത് കൊല്ലുന്നത് ചിത്രീകരിച്ച് യുവാവ് ഇൻസ്റ്റാഗ്രാം സ്റ്റോറി ആക്കി"
english_title: "Instagram story of a young man who killed a cat by slitting its throat in Cheruppulasseri"
publisher: "truevisionnews.com"
canonical_url: "https://truevisionnews.com/news/306356/instagram-story-of-a-young-man-who-killed-a-cat-by-slitting-its-throat-in-cheruppulasseri"
published_at: "2025-08-04T10:55:00+05:30"
category: "Crime"
language: "ml"
image: "https://truevisionnews.com/image-uploads/68904451ebf83_cat.jpg"
keywords: []
---

# ക്രൂരതയുടെ 'സ്റ്റോറി'; പൂച്ചയെ കഴുത്തറുത്ത് കൊല്ലുന്നത് ചിത്രീകരിച്ച് യുവാവ് ഇൻസ്റ്റാഗ്രാം സ്റ്റോറി ആക്കി

> **Lead Summary:** ചെറുപ്പുളശ്ശേരി([**www.truevisionnews.com**]: പൂച്ചയെ കഴുത്തറുത്ത് കൊന്ന് നിലയിൽ യുവാവിന്റെ ഇൻസ്റ്റാഗ്രാം സ്റ്റോറി.ഷജീർ എന്ന യുവാവാണ് പൂച്ചയെ കഴുത്തറുത്ത നിലയിൽ ഇൻസ്റ്റ സ്റ്റോറി ഷെയർ ചെയ്തത്. തൊട്ട് മുൻപുള്ള വീഡിയോയിൽ പൂച്ചയ്ക്ക് ഇയാൾ ഭക്ഷണം കൊടുക്കുന്നത് വ്യക്തമാണ്. ശേഷം ഇറച്ചി കയ്യിൽ പിടിച്ചിരിക്കുന്നതും ദൃശ്യങ്ങളിൽ കാണാനാകും.

## Article Content

ചെറുപ്പുളശ്ശേരി([**www.truevisionnews.com**]: പൂച്ചയെ കഴുത്തറുത്ത് കൊന്ന് നിലയിൽ യുവാവിന്റെ ഇൻസ്റ്റാഗ്രാം സ്റ്റോറി.ഷജീർ എന്ന യുവാവാണ് പൂച്ചയെ കഴുത്തറുത്ത നിലയിൽ ഇൻസ്റ്റ സ്റ്റോറി ഷെയർ ചെയ്തത്. തൊട്ട് മുൻപുള്ള വീഡിയോയിൽ പൂച്ചയ്ക്ക് ഇയാൾ ഭക്ഷണം കൊടുക്കുന്നത് വ്യക്തമാണ്. ശേഷം ഇറച്ചി കയ്യിൽ പിടിച്ചിരിക്കുന്നതും ദൃശ്യങ്ങളിൽ കാണാനാകും.

ചെറുപ്പുളശ്ശേരി സ്വദേശിയായ ഇയാൾ ലോറി ഡ്രൈവർ ആണെന്നാണ് വിവരം. നിലവിൽ ഇയാൾ തമിഴ്നാട്ടിലാണെന്നാണ് സൂചന. ക്രൂരതയെക്കുറിച്ച് ഇയാളോട് ചോദിച്ചപ്പോൾ മനുഷ്യനെക്കാളും രുചിയുള്ള ഇറച്ചിയാണ് പൂച്ചയുടേതെന്നാണ് മറുപടി നൽകിയത്.

**നിയമപരമായ വശങ്ങൾ**

ഇന്ത്യയിൽ മൃഗങ്ങളോടുള്ള ക്രൂരത തടയുന്നതിനായി നിരവധി നിയമങ്ങളുണ്ട്. പ്രധാനമായും പ്രൊട്ടക്ഷൻ ഓഫ് ക്രൂവൽറ്റി ടു അനിമൽസ് ആക്ട്, 1960 ആണ് മൃഗങ്ങൾക്കെതിരെയുള്ള അതിക്രമങ്ങളെ കൈകാര്യം ചെയ്യുന്നത്.

**ഈ നിയമപ്രകാരം:** ഒരു മൃഗത്തെ ഉപദ്രവിക്കുക, കൊല്ലുക, അംഗവൈകല്യം വരുത്തുക എന്നിവയെല്ലാം കുറ്റകരമാണ്. ഇത്തരം പ്രവൃത്തികൾക്ക് പിഴയോ തടവോ അല്ലെങ്കിൽ രണ്ടും കൂടിയോ ശിക്ഷ ലഭിക്കാം. ചെറിയ കുറ്റങ്ങൾക്ക് ആദ്യതവണ 10 രൂപ മുതൽ 50 രൂപ വരെ പിഴയും, രണ്ടാമത്തെ തവണ മുതൽ 25 രൂപ മുതൽ 100 രൂപ വരെ പിഴയും/അല്ലെങ്കിൽ 3 മാസം വരെ തടവും ലഭിക്കാം.

എന്നാൽ, മൃഗങ്ങളെ ക്രൂരമായി കൊല്ലുന്നത് പോലുള്ള ഗുരുതരമായ കുറ്റകൃത്യങ്ങൾക്ക് കൂടുതൽ കഠിനമായ ശിക്ഷകൾ ലഭിക്കാം. ഇന്ത്യൻ ശിക്ഷാ നിയമത്തിലെ (Indian Penal Code - IPC) 428, 429 വകുപ്പുകളും മൃഗങ്ങളെ കൊല്ലുന്നതിനോ മുറിവേൽപിക്കുന്നതിനോ ഉള്ള ശിക്ഷകളെക്കുറിച്ച് പറയുന്നു. 50 രൂപയിലധികം വിലവരുന്ന മൃഗങ്ങളെ കൊല്ലുകയോ അംഗഭംഗം വരുത്തുകയോ ചെയ്താൽ IPC 429 വകുപ്പ് പ്രകാരം 5 വർഷം വരെ തടവോ പിഴയോ അല്ലെങ്കിൽ രണ്ടും കൂടിയോ ലഭിക്കാം.

### Related Links & Sources
- [Original Story Source](https://truevisionnews.com/news/306356/instagram-story-of-a-young-man-who-killed-a-cat-by-slitting-its-throat-in-cheruppulasseri)