---
title: "പിറന്നാൾ പൊടിപൊടിക്കാനെത്തി; പൊലീസ് പരിശോധനയിൽ കണ്ടെത്തിയത് മയക്കുമരുന്നുകൾ, ആറ് ഐടി ജീവനക്കാർ അറസ്റ്റിൽ"
english_title: "Six IT employees arrested after drugs were found during a search of a farmhouse in thelengana"
publisher: "truevisionnews.com"
canonical_url: "https://truevisionnews.com/news/306324/six-it-employees-arrested-after-drugs-were-found-during-a-search-of-a-farmhouse-in-thelengana"
published_at: "2025-08-04T06:30:00+05:30"
category: "National"
language: "ml"
image: "https://cf.zdn.im/img/truevisionnews.com/0/image-uploads/6890066334405_poolice.jpg"
keywords: []
---

# പിറന്നാൾ പൊടിപൊടിക്കാനെത്തി; പൊലീസ് പരിശോധനയിൽ കണ്ടെത്തിയത് മയക്കുമരുന്നുകൾ, ആറ് ഐടി ജീവനക്കാർ അറസ്റ്റിൽ

> **Lead Summary:** ഫാം ഹൗസിൽ നടത്തിയ പരിശോധനയിൽ മയക്കുമരുന്ന് കണ്ടെത്തിയതിനെത്തുടർന്ന് ആറ് ഐടി ജീവനക്കാർ അറസ്റ്റിൽ. രംഗറെഡ്ഡി ജില്ലയിലാണ് സംഭവം. സഹപ്രവർത്തകന്റെ പിറന്നാളാഘോഷിക്കാനാണ് യുവാക്കൾ ഫാം ഹൗസ് ബുക്ക് ചെയ്ത് എത്തിയത്. ആഘോഷ വേളയിൽ സംഘം ലഹരി ഉപയോഗിക്കുന്നുണ്ടെന്ന രഹസ്യ വിവരത്തെത്തുടർന്ന് പൊലീസ്‌ ഫാം ഹൗസിലേക്ക് എത്തുകയായിരുന്നു.

## Article Content

ഫാം ഹൗസിൽ നടത്തിയ പരിശോധനയിൽ മയക്കുമരുന്ന് കണ്ടെത്തിയതിനെത്തുടർന്ന് ആറ് ഐടി ജീവനക്കാർ അറസ്റ്റിൽ. രംഗറെഡ്ഡി ജില്ലയിലാണ് സംഭവം. സഹപ്രവർത്തകന്റെ പിറന്നാളാഘോഷിക്കാനാണ് യുവാക്കൾ ഫാം ഹൗസ് ബുക്ക് ചെയ്ത് എത്തിയത്. ആഘോഷ വേളയിൽ സംഘം ലഹരി ഉപയോഗിക്കുന്നുണ്ടെന്ന രഹസ്യ വിവരത്തെത്തുടർന്ന് പൊലീസ്‌ ഫാം ഹൗസിലേക്ക് എത്തുകയായിരുന്നു.

എൽഎസ്ഡി, ഹാഷിഷ് എന്നിവ ഉൾപ്പെടെ രണ്ട് ലക്ഷം രൂപ വിലമതിക്കുന്ന മയക്കുമരുന്നുകളും മൂന്ന് ആഡംബര കാറുകളും പിടിച്ചെടുത്തു. അറസ്റ്റിലായവർ ലഹരി ഉപയോഗിച്ചതായി പരിശോധനയിൽ കണ്ടെത്തി. പാർട്ടിയിൽ പങ്കെടുത്ത രണ്ട് പേരെ പൊലീസിനു പിടികൂടാനായില്ല. ഇവർക്കായുള്ള അന്വേഷണം തുടരുകയാണ്. നിയമവിരുദ്ധ പ്രവർത്തനങ്ങൾ നടത്താൻ ഫാം ഹൗസ് വിട്ടുകൊടുത്തതിന് മാനേജർക്കെതിരെയും കേസ് ഫയൽ ചെയ്തിട്ടുണ്ട്.

### Related Links & Sources
- [Original Story Source](https://truevisionnews.com/news/306324/six-it-employees-arrested-after-drugs-were-found-during-a-search-of-a-farmhouse-in-thelengana)