---
title: " കരുതൽ വേണം കേട്ടോ..; മൂന്ന് മുതൽ പത്ത് ജില്ലകളിൽ തീവ്ര മഴ മുന്നറിയിപ്പ്; മഴയുടെ ശക്തി വർധിക്കാൻ സാധ്യത"
english_title: "Rain warning, yellow alert in nine districts in the Kerala today"
publisher: "truevisionnews.com"
canonical_url: "https://truevisionnews.com/news/306113/rain-warning-yellow-alert-in-nine-districts-in-the-kerala-today"
published_at: "2025-08-02T17:29:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/688dfdac7188d_rain.jpg"
keywords: []
---

#  കരുതൽ വേണം കേട്ടോ..; മൂന്ന് മുതൽ പത്ത് ജില്ലകളിൽ തീവ്ര മഴ മുന്നറിയിപ്പ്; മഴയുടെ ശക്തി വർധിക്കാൻ സാധ്യത

> **Lead Summary:** **തിരുവനന്തപുരം:** സംസ്ഥാനത്ത് ഇന്ന് ഒമ്പത് ജില്ലകളിൽ യെല്ലോ അലർട്ട്. വീണ്ടും മഴ ശക്തമാകുമെന്ന് കേന്ദ്ര കാലാവസ്ഥാ മുന്നറിയിപ്പുണ്ട്. പക്ഷേ ഇനിയുള്ള ദിവസങ്ങളിൽ മൂന്ന് മുതൽ പത്ത് ജില്ലകളിൽ വരെ ഓറഞ്ച് അലർട്ട് (തീവ്ര മഴ മുന്നറിയിപ്പ്) പുറപ്പെടുവിച്ചു.

## Article Content

**തിരുവനന്തപുരം:** സംസ്ഥാനത്ത് ഇന്ന് ഒമ്പത് ജില്ലകളിൽ യെല്ലോ അലർട്ട്. വീണ്ടും മഴ ശക്തമാകുമെന്ന് കേന്ദ്ര കാലാവസ്ഥാ മുന്നറിയിപ്പുണ്ട്. പക്ഷേ ഇനിയുള്ള ദിവസങ്ങളിൽ മൂന്ന് മുതൽ പത്ത് ജില്ലകളിൽ വരെ ഓറഞ്ച് അലർട്ട് (തീവ്ര മഴ മുന്നറിയിപ്പ്) പുറപ്പെടുവിച്ചു.

ഇന്ന് മലപ്പുറം, പാലക്കാട്, തൃശ്ശൂർ, എറണാകുളം, ഇടുക്കി, കോട്ടയം, ആലപ്പുഴ, കണ്ണൂര്‍, കാസര്‍ഗോഡ് ജില്ലകളിലാണ് യെലോ അലര്‍ട്ട്. ഈ ജില്ലകളില്‍ അതിശക്തമായ മഴയ്ക്ക് സാധ്യതയുള്ളത്. വയനാട്, പത്തനംതിട്ട, കൊല്ലം, തിരുവനന്തപുരം ജില്ലകളിൽ കാര്യമായ മഴ ഭീതിയില്ല. ഇവിടങ്ങളിൽ ഒറ്റപ്പെട്ടയിടങ്ങളിൽ ശക്തമായ മഴയ്ക്ക് സാധ്യതയുണ്ട്.

നാളെ നാല് ജില്ലകളിൽ ഓറഞ്ച് അലർട്ടാണ്. എറണാകുളം, ഇടുക്കി, കോട്ടയം, ആലപ്പുഴ ജില്ലകളിലാണ് തീവ്ര മഴയ്ക്ക് സാധ്യതയുള്ളത്. തിരുവനന്തപുരം, കൊല്ലം, പത്തനംതിട്ട, തൃശ്ശൂർ, പാലക്കാട്, മലപ്പുറം ജില്ലകളിൽ യെല്ലോ അലർട്ടാണ്. ഇവിടെ അതിശക്തമായ മഴയ്ക്ക് സാധ്യതയുണ്ട്. കാസർകോട്, കണ്ണൂർ, കോഴിക്കോട് വയനാട് ജില്ലകളിൽ ഒറ്റപ്പെട്ടയിടങ്ങളിൽ ശക്തമായ മഴയ്ക്കാണ് സാധ്യത. പൊതുജനങ്ങൾ ജാഗ്രത പാലിക്കണം. തീവ്ര മഴ മുന്നറിയിപ്പ് പ്രഖ്യാപിച്ച ജില്ലകളിൽ ഉള്ള തീരദേശ നിവാസികളും പ്രത്യേക ശ്രദ്ധ പുലർത്തണം .

### Related Links & Sources
- [Original Story Source](https://truevisionnews.com/news/306113/rain-warning-yellow-alert-in-nine-districts-in-the-kerala-today)