---
title: "കണ്ണൂരിൽ എട്ട് വയസുകാരിയെ ക്ലാസ് മുറിയിൽ വെച്ച് ലൈംഗികമായി പീഡിപ്പിച്ചു; മദ്രസാധ്യാപകൻ കോടതിയിൽ കീഴടങ്ങി"
english_title: "Eight year old girl sexually assaulted in Kannur classroom Madrasa teacher surrenders in court"
publisher: "truevisionnews.com"
canonical_url: "https://truevisionnews.com/news/306109/eight-year-old-girl-sexually-assaulted-in-kannur-classroom-madrasa-teacher-surrenders-in-court"
published_at: "2025-08-02T17:10:00+05:30"
category: "Crime"
language: "ml"
image: "https://truevisionnews.com/image-uploads/688dfaae6327f_GHFGHFG.jpg"
keywords: []
---

# കണ്ണൂരിൽ എട്ട് വയസുകാരിയെ ക്ലാസ് മുറിയിൽ വെച്ച് ലൈംഗികമായി പീഡിപ്പിച്ചു; മദ്രസാധ്യാപകൻ കോടതിയിൽ കീഴടങ്ങി

> **Lead Summary:** കണ്ണൂർ: എട്ട് വയസുകാരിയെ ലൈംഗികമായി പീഡിപ്പിച്ച മദ്രസാധ്യാപകൻ കോടതിയിൽ കീഴടങ്ങി. കണ്ണൂർ തളിപ്പറമ്പ് സിദ്ദിഖ് നഗർ സ്വദേശി മുഹമ്മദ്‌ ഷാഹിദാണ് തളിപ്പറമ്പ് കോടതിയിൽ കീഴടങ്ങിയത്. മദ്രസയിൽ വെച്ച് കുട്ടിയെ ലൈംഗികമായി പീഡിപ്പിച്ചെനന്നായിരുന്നു പരാതി.

## Article Content

കണ്ണൂർ: എട്ട് വയസുകാരിയെ ലൈംഗികമായി പീഡിപ്പിച്ച മദ്രസാധ്യാപകൻ കോടതിയിൽ കീഴടങ്ങി. കണ്ണൂർ തളിപ്പറമ്പ് സിദ്ദിഖ് നഗർ സ്വദേശി മുഹമ്മദ്‌ ഷാഹിദാണ് തളിപ്പറമ്പ് കോടതിയിൽ കീഴടങ്ങിയത്. മദ്രസയിൽ വെച്ച് കുട്ടിയെ ലൈംഗികമായി പീഡിപ്പിച്ചെനന്നായിരുന്നു പരാതി.

ഇയാൾക്കെതിരെ തളിപ്പറമ്പ് പൊലീസ് പോക്സോ വകുപ്പ് പ്രകാരം കേസെടുത്തിരുന്നു. ദിവസങ്ങൾക്ക് മുമ്പാണ് കേസിനാസ്പദമായ നടന്നത്. രാവിലെ എട്ട് മണിയോടെ ക്ലാസ് മുറിയിൽ വെച്ച് കുട്ടിയെ ലൈംഗികമായി പീഡിപ്പിച്ചുവെന്നാണ് പരാതി.

ഇതിന് മുമ്പും സമാന സംഭവം ഉണ്ടായതായി കുട്ടി പറയുന്നു. പരാതിയെ തുടർന്ന് തളിപ്പറമ്പ് പൊലീസ് പോക്സോ വകുപ്പ് പ്രകാരം കേസെടുത്ത് അന്വേഷണം നടത്തുന്നതിനെയാണ് കോടതിയിൽ കീഴടങ്ങിയത്.

കുട്ടികളുടെ നിർവചനം: 18 വയസ്സിൽ താഴെയുള്ള എല്ലാ വ്യക്തികളെയും പോക്‌സോ നിയമം കുട്ടികളായി കണക്കാക്കുന്നു. ലിംഗഭേദമില്ലാതെ എല്ലാ കുട്ടികൾക്കും ഈ നിയമം സംരക്ഷണം നൽകുന്നു.

സമ്മതമില്ലായ്മ: 18 വയസ്സിൽ താഴെയുള്ള ഒരു കുട്ടിയുടെ ലൈംഗിക ബന്ധത്തിനുള്ള സമ്മതം ഈ നിയമപ്രകാരം സാധുവായ ഒന്നായി കണക്കാക്കില്ല. അതായത്, ഒരു കുട്ടി സമ്മതം നൽകിയാൽ പോലും അത് കുറ്റകരമായിരിക്കും.

കുറ്റകൃത്യങ്ങളുടെ വർഗ്ഗീകരണം: പോക്‌സോ നിയമം കുട്ടികൾക്കെതിരായ ലൈംഗിക കുറ്റകൃത്യങ്ങളെ പ്രധാനമായും മൂന്ന് വിഭാഗങ്ങളായി തിരിക്കുന്നു:

ലൈംഗിക കടന്നുകയറ്റം (Penetrative Sexual Assault): കുട്ടിയുടെ ശരീരത്തിലേക്ക് ലൈംഗിക അവയവങ്ങൾ കടത്തുകയോ മറ്റ് ലൈംഗിക പ്രവൃത്തികളിൽ ഏർപ്പെടുകയോ ചെയ്യുന്നത്.

ലൈംഗികാതിക്രമം (Sexual Assault): കുട്ടിയുടെ സ്വകാര്യ ഭാഗങ്ങളിൽ സ്പർശിക്കുകയോ, സ്പർശിക്കാൻ പ്രേരിപ്പിക്കുകയോ, ലൈംഗിക ഉദ്ദേശത്തോടെയുള്ള മറ്റ് ശാരീരിക പ്രവർത്തനങ്ങളിൽ ഏർപ്പെടുകയോ ചെയ്യുന്നത്.

ലൈംഗിക പീഡനം (Sexual Harassment): ലൈംഗിക ചുവയുള്ള സംഭാഷണങ്ങൾ, നോട്ടങ്ങൾ, ആംഗ്യങ്ങൾ, ലൈംഗികപരമായ ദൃശ്യങ്ങൾ കാണിക്കുക തുടങ്ങിയവ.

അശ്ലീല ആവശ്യങ്ങൾക്കായി കുട്ടികളെ ഉപയോഗിക്കൽ (Child Pornography): അശ്ലീല വീഡിയോകളിലോ ചിത്രങ്ങളിലോ കുട്ടികളെ ഉൾപ്പെടുത്തുകയോ അത്തരം ഉള്ളടക്കങ്ങൾ നിർമ്മിക്കുകയോ വിതരണം ചെയ്യുകയോ ചെയ്യുക.

പോക്‌സോ നിയമപ്രകാരം വിവിധ കുറ്റകൃത്യങ്ങൾക്ക് കഠിനമായ ശിക്ഷകളാണ് വ്യവസ്ഥ ചെയ്തിരിക്കുന്നത്. 2019-ൽ നിയമത്തിൽ വന്ന ഭേദഗതികൾ ശിക്ഷകൾ കൂടുതൽ കടുപ്പമുള്ളതാക്കി.

വകുപ്പ് 4 (ലൈംഗിക കടന്നുകയറ്റം - Penetrative Sexual Assault):

സാധാരണ ലൈംഗിക കടന്നുകയറ്റത്തിന് കുറഞ്ഞത് 7 വർഷം മുതൽ ജീവപര്യന്തം വരെ തടവും പിഴയും.

16 വയസ്സിൽ താഴെയുള്ള കുട്ടികളെ ഇരയാക്കിയാൽ കുറഞ്ഞത് 20 വർഷം തടവോ ജീവപര്യന്തമോ.

12 വയസ്സിൽ താഴെയുള്ള കുട്ടികളെ ഇരയാക്കിയാൽ കുറഞ്ഞത് 20 വർഷം തടവോ ജീവപര്യന്തമോ അല്ലെങ്കിൽ വധശിക്ഷയോ വരെ ലഭിക്കാം.

വകുപ്പ് 6 (ഗുരുതരമായ ലൈംഗിക കടന്നുകയറ്റം - Aggravated Penetrative Sexual Assault): (ഉദാഹരണത്തിന്, കുട്ടിക്ക് ഗുരുതരമായ പരിക്കുകൾ ഏൽക്കുക, കുറ്റവാളിക്ക് അധികാര സ്ഥാനമുണ്ടായിരിക്കുക, കൂട്ടബലാത്സംഗം)

കുറഞ്ഞത് 20 വർഷം തടവോ ജീവപര്യന്തമോ അല്ലെങ്കിൽ വധശിക്ഷയോ വരെ ലഭിക്കാം.

വകുപ്പ് 8 (ലൈംഗികാതിക്രമം - Sexual Assault):

കുറഞ്ഞത് 3 വർഷം മുതൽ 5 വർഷം വരെ തടവും പിഴയും.

വകുപ്പ് 10 (ഗുരുതരമായ ലൈംഗികാതിക്രമം - Aggravated Sexual Assault):

കുറഞ്ഞത് 5 വർഷം മുതൽ 7 വർഷം വരെ തടവും പിഴയും.

വകുപ്പ് 12 (ലൈംഗിക പീഡനം - Sexual Harassment):

3 വർഷം വരെ തടവും പിഴയും.

വകുപ്പ് 14 (അശ്ലീല ആവശ്യങ്ങൾക്കായി കുട്ടികളെ ഉപയോഗിക്കൽ - Child Pornography):

അശ്ലീല ചിത്രങ്ങളോ വീഡിയോകളോ നിർമ്മിക്കുകയോ പ്രചരിപ്പിക്കുകയോ ചെയ്യുന്നതിന് കുറഞ്ഞത് 5 വർഷം മുതൽ 7 വർഷം വരെ തടവും പിഴയും. അത്തരം ഉള്ളടക്കങ്ങൾ കൈവശം വെക്കുകയോ പങ്കുവെക്കുകയോ ചെയ്യുന്നതിനും ശിക്ഷയുണ്ട്.

### Related Links & Sources
- [Original Story Source](https://truevisionnews.com/news/306109/eight-year-old-girl-sexually-assaulted-in-kannur-classroom-madrasa-teacher-surrenders-in-court)