---
title: "'വി എസ് അനീതിക്കെതിരെ ജ്വലിച്ചു നിന്ന വിപ്ലവസൂര്യന്‍'; സംസ്ഥാനത്ത് ഇന്ന്‌ പൊതുഅവധി, മൂന്നുദിവസത്തെ ദുഃഖാചരണം"
english_title: "s-achuthanandan demise Today is a public holiday in the state with three days of mourning"
publisher: "truevisionnews.com"
canonical_url: "https://truevisionnews.com/news/303907/s-achuthanandan-demise-today-is-a-public-holiday-in-the-state-with-three-days-of-mourning"
published_at: "2025-07-22T06:25:00+05:30"
category: "V. S. Achuthanandan"
language: "ml"
image: "https://cf.zdn.im/img/truevisionnews.com/0/image-uploads/687ee2d7b5c0a_WhatsApp_Image_2025-07-22_at_6.30.59_AM.jpeg"
keywords: []
---

# 'വി എസ് അനീതിക്കെതിരെ ജ്വലിച്ചു നിന്ന വിപ്ലവസൂര്യന്‍'; സംസ്ഥാനത്ത് ഇന്ന്‌ പൊതുഅവധി, മൂന്നുദിവസത്തെ ദുഃഖാചരണം

> **Lead Summary:** **തിരുവനന്തപുരം: **അനീതിക്കെതിരെ ജ്വലിച്ചു നിന്ന വിപ്ലവസൂര്യന്‍ വി.എസ്. അച്യുതാനന്ദന് കണ്ണീരോടെ കേരളം യാത്ര മൊഴി നൽകുന്നു. 'കണ്ണേ കരളേ വിഎസ്സേ, ഇല്ലാ ഇല്ലാ മരിക്കുന്നില്ല' തുടങ്ങിയ മുദ്രാവാക്യങ്ങൾ മുഴക്കി ജനസാഗരമാണ് വി എസിന് വിട ചൊല്ലുന്നത്. എസ്.യു.ടി ആശുപത്രിയിൽനിന്ന് തിങ്കളാഴ്ച വൈകീട്ട് 7.15-ഓടെ വിഎസിന്‍റെ മൃതദേഹം ആംബുലൻസിൽ തിരുവനന്തപുരത്തെ എകെജി പഠനകേന്ദ്രത്തിലെത്തിച്ചു. പ്രിയനേതാവിനെ അവസാനമായി ഒരുനോക്ക് കാണാനായി ജനസാഗരമാണ് എകെജി പഠനകേന്ദ്രത്തിന് മുന്നിൽ ഒഴുകിയെത്തിയത്.

## Article Content

**തിരുവനന്തപുരം: **അനീതിക്കെതിരെ ജ്വലിച്ചു നിന്ന വിപ്ലവസൂര്യന്‍ വി.എസ്. അച്യുതാനന്ദന് കണ്ണീരോടെ കേരളം യാത്ര മൊഴി നൽകുന്നു. 'കണ്ണേ കരളേ വിഎസ്സേ, ഇല്ലാ ഇല്ലാ മരിക്കുന്നില്ല' തുടങ്ങിയ മുദ്രാവാക്യങ്ങൾ മുഴക്കി ജനസാഗരമാണ് വി എസിന് വിട ചൊല്ലുന്നത്. എസ്.യു.ടി ആശുപത്രിയിൽനിന്ന് തിങ്കളാഴ്ച വൈകീട്ട് 7.15-ഓടെ വിഎസിന്‍റെ മൃതദേഹം ആംബുലൻസിൽ തിരുവനന്തപുരത്തെ എകെജി പഠനകേന്ദ്രത്തിലെത്തിച്ചു. പ്രിയനേതാവിനെ അവസാനമായി ഒരുനോക്ക് കാണാനായി ജനസാഗരമാണ് എകെജി പഠനകേന്ദ്രത്തിന് മുന്നിൽ ഒഴുകിയെത്തിയത്.

തിരുവനന്തപുരത്തെ സ്വകാര്യ ആശുപത്രിയില്‍ ചികിത്സയിലിരിക്കെ തിങ്കളാഴ്ച വൈകീട്ടായിരുന്നു വി.എസിൻ്റെ അന്ത്യം. മുഖ്യമന്ത്രി പിണറായി വിജയനും മന്ത്രിമാരും സിപിഎം നേതാക്കളും ആശുപത്രിയിലുണ്ടായിരുന്നു. പിന്നീട് ഭൗതികദേഹം പൊതുദര്‍ശനത്തിനായി തിരുവനന്തപുരത്തെ എകെജി പഠനകേന്ദ്രത്തിലെത്തിച്ചു. എകെജി പഠനഗവേഷണ കേന്ദ്രത്തിലെ പൊതുദര്‍ശനത്തിന് ശേഷം മൃതദേഹം തിരുവനന്തപുരത്തെ വേലിക്കകത്ത് വീട്ടിലേക്ക് കൊണ്ടുപോയി.

ഇന്ന്‌ രാവിലെ ഒന്‍പതുമണിക്ക് വീട്ടില്‍നിന്ന് ദര്‍ബാര്‍ ഹാളിലേക്ക് പൊതുദര്‍ശനത്തിനായി കൊണ്ടുപോകും. ഉച്ചകഴിഞ്ഞ് ദേശീയപാതയിലൂടെ വിലാപയാത്രയായി ആലപ്പുഴയിലെ വീട്ടിലെത്തിക്കും. ബുധനാഴ്ച രാവിലെ ആലപ്പുഴയിലെ ജില്ലാ കമ്മിറ്റി ഓഫീസിലെ പൊതുദര്‍ശനത്തിന് ശേഷം ഉച്ചയ്ക്ക്‌ശേഷം വലിയ ചുടുകാട്ടില്‍ സംസ്‌കാരം നടത്താനാണ് തീരുമാനം.

### Related Links & Sources
- [Original Story Source](https://truevisionnews.com/news/303907/s-achuthanandan-demise-today-is-a-public-holiday-in-the-state-with-three-days-of-mourning)