---
title: "അധികനേരം ഇരുന്ന് പണിയെടുക്കുന്നവരാണോ നിങ്ങൾ? എങ്കിൽ ആ ശീലം ഒഴിവാക്കിക്കോളൂ, തലച്ചോറിന് പണികിട്ടും"
english_title: "work Sitting for long hours of time health issues"
publisher: "truevisionnews.com"
canonical_url: "https://truevisionnews.com/news/303653/work-sitting-for-long-hours-of-time-health-issues-new-"
published_at: "2025-07-20T16:20:00+05:30"
category: "Health"
language: "ml"
image: "https://cf.zdn.im/img/truevisionnews.com/0/image-uploads/687ccb149ad24_head.jpg"
keywords: []
---

# അധികനേരം ഇരുന്ന് പണിയെടുക്കുന്നവരാണോ നിങ്ങൾ? എങ്കിൽ ആ ശീലം ഒഴിവാക്കിക്കോളൂ, തലച്ചോറിന് പണികിട്ടും

> **Lead Summary:** ജീവിതത്തെ രണ്ടറ്റവും കൂട്ടിമുട്ടിക്കാനുള്ള ശ്രമത്തിനിടെ ആരോഗ്യം മറക്കുന്നവരായിരിക്കും നമ്മളിൽ പലരും. അധിക നേരം ജോലി ചെയ്യുമ്പോൾ മാനസികമായും ശാരീരികമായും തളർന്നു പോകുന്നവരുമുണ്ട്. അധിക നേരം ഇരുന്ന് ജോലിചെയ്യുന്നവരാണോ എങ്കില്‍ ആ ശീലം ഒഴിവാക്കിക്കോളൂ.

## Article Content

ജീവിതത്തെ രണ്ടറ്റവും കൂട്ടിമുട്ടിക്കാനുള്ള ശ്രമത്തിനിടെ ആരോഗ്യം മറക്കുന്നവരായിരിക്കും നമ്മളിൽ പലരും. അധിക നേരം ജോലി ചെയ്യുമ്പോൾ മാനസികമായും ശാരീരികമായും തളർന്നു പോകുന്നവരുമുണ്ട്. അധിക നേരം ഇരുന്ന് ജോലിചെയ്യുന്നവരാണോ എങ്കില്‍ ആ ശീലം ഒഴിവാക്കിക്കോളൂ.

ജീവിതശൈലിയിലെ ഈ പിഴവ് മൂലം തലച്ചോറ് ചുരുങ്ങിപ്പോകുമെന്നാണ് പഠനങ്ങള്‍ പറയുന്നത്. അമിതനേരമുള്ള ഇരുപ്പ് തലച്ചോറ് ചുരുങ്ങാനുള്ള സാധ്യത വര്‍ധിപ്പിക്കും. പ്രത്യേകിച്ച് പ്രായമായവരില്‍ ഇത് അല്‍ഷിമേഴ്സ് സാധ്യത കൂട്ടുമെന്നാണ് പഠനങ്ങള്‍ പറയുന്നത്.അധികനേരം ഒരേ ഇരിപ്പിൽ ജോലി ചെയ്യുന്നത് പലതരം ആരോഗ്യപ്രശ്നങ്ങൾക്ക് കാരണമാകും.

**നടുവേദനയും കഴുത്തുവേദനയും: തു**ടർച്ചയായി ഇരിക്കുന്നതും തെറ്റായ ഇരിപ്പ് രീതിയും നടുവിനും കഴുത്തിനും വേദന കൂട്ടുന്നു. കൂടാതെ അമിത സമ്മർദ്ദം നൽകുന്നു. ഇത് ഡിസ്ക് പ്രശ്നങ്ങൾ, പേശിവേദന എന്നിവയ്ക്ക് കാരണമാകും.

**അമിതവണ്ണം കൂടാൻ ഇടയാകുന്നു: **കൂടുതൽ സമയം ഇരിക്കുമ്പോൾ ശരീരം കലോറി കുറച്ച് മാത്രമേ എരിച്ച് കളയുന്നുള്ളൂ. ഇത് അമിതവണ്ണത്തിലേക്കും അതുവഴി മറ്റ് പല രോഗങ്ങളിലേക്കും നയിക്കും.

**പ്രമേഹം: **ദീർഘനേരം ഇരിക്കുന്നത് ഇൻസുലിൻ റെസിസ്റ്റൻസ് വർദ്ധിപ്പിക്കുകയും രക്തത്തിലെ പഞ്ചസാരയുടെ അളവ് കൂട്ടുകയും ചെയ്യും. ഇത് ടൈപ്പ് 2 പ്രമേഹത്തിനുള്ള സാധ്യത വർദ്ധിപ്പിക്കുന്നു.

**ഹൃദ്രോഗം: **രക്തചംക്രമണം കുറയുന്നതും കൊളസ്ട്രോൾ, രക്തസമ്മർദ്ദം എന്നിവ കൂടുന്നതും ഹൃദയാഘാതം, പക്ഷാഘാതം പോലുള്ള ഹൃദയസംബന്ധമായ രോഗങ്ങളിലേക്ക് നയിച്ചേക്കാം.

**പേശികളുടെ ബലക്ഷയം: **കാലുകളിലെയും നിതംബത്തിലെയും പേശികൾ ദീർഘനേരം അനങ്ങാതെ ഇരിക്കുന്നത് വഴി ദുർബലമാവുകയും പ്രവർത്തനക്ഷമത കുറയുകയും ചെയ്യും. ഇത് വീഴ്ചകൾക്കും പരിക്കുകൾക്കും സാധ്യത കൂട്ടുന്നു.

**വെരിക്കോസ് വെയിൻ:** കാലുകളിലേക്കുള്ള രക്തയോട്ടം കുറയുന്നത് വെരിക്കോസ് വെയിനിന് കാരണമായേക്കാം.

**മാനസികാരോഗ്യ പ്രശ്നങ്ങൾ:** ശാരീരിക പ്രവർത്തനങ്ങൾ കുറയുന്നത് വിഷാദം, ഉത്കണ്ഠ തുടങ്ങിയ മാനസിക പ്രശ്നങ്ങളിലേക്കും നയിച്ചേക്കാം.

**ചിലതരം കാൻസറുകൾ:** വൻകുടലിലെ കാൻസർ, സ്തനാർബുദം തുടങ്ങിയ ചിലതരം കാൻസറുകൾ വരാനുള്ള സാധ്യതയും ദീർഘനേരമുള്ള ഇരിപ്പുമായി ബന്ധപ്പെട്ടിരിക്കുന്നുവെന്ന് പഠനങ്ങൾ പറയുന്നു.

**ഇടയ്ക്കിടെ എഴുന്നേറ്റ് നടക്കുക: ഇ**രുന്ന് കൊണ്ടുള്ള ജോലി ചെയ്യുമ്പോൾ ഓരോ 30 മിനിറ്റിലും അല്ലെങ്കിൽ ഒരു മണിക്കൂറിലും എഴുന്നേറ്റ് കുറച്ചു ദൂരം നടക്കുക, അല്ലെങ്കിൽ ലഘുവായ സ്ട്രെച്ചിംഗ് വ്യായാമങ്ങൾ ചെയ്യുക. ഇത് ശരീരത്തിന് വ്യായാമമാകും

**ശരിയായ ഇരിപ്പ് രീതി: **കസേരയിൽ നേരെ നിവർന്നിരിക്കുക. നടുവിന് താങ്ങ് നൽകുക, പാദങ്ങൾ തറയിൽ പതിച്ച് വെക്കുക. ഇരിക്കുന്ന രീതി പ്രത്യേകം ശ്രദ്ധിക്കണം.

**ചെറിയ വ്യായാമങ്ങൾ: **ഓഫീസിൽ ഇരുന്നുതന്നെ ചെയ്യാവുന്ന ലഘു വ്യായാമങ്ങളുണ്ട്. കഴുത്ത്, തോളുകൾ, കൈക്കുഴ എന്നിവയ്ക്കുള്ള വ്യായാമങ്ങൾ ചെയ്യാം. ദിവസവും കുറഞ്ഞത് 30 മിനിറ്റെങ്കിലും നടത്തം, യോഗ, ഓട്ടം, നീന്തൽ തുടങ്ങിയ മിതമായ വ്യായാമം ചെയ്യുന്നത് വളരെ പ്രധാനമാണ്.

**ധാരാളം വെള്ളം കുടിക്കുക: **ഇത് ശരീരത്തിലെ ജലാംശം നിലനിർത്താനും ദഹനം മെച്ചപ്പെടുത്താനും സഹായിക്കും.

**ആരോഗ്യകരമായ ഭക്ഷണം: **ആരോഗ്യത്തിന് ഏറ്റവും പ്രധാനം പോഷക പ്രധമായ ഭക്ഷണ ക്രമമാണ് വറുത്തതും പൊരിച്ചതുമായ ഭക്ഷണങ്ങൾ ഒഴിവാക്കി പഴങ്ങളും പച്ചക്കറികളും പ്രോട്ടീനും ഉൾപ്പെടുത്തിയ സമീകൃതാഹാരം കഴിക്കുക.

അധികനേരം ഇരുന്ന് ജോലി ചെയ്യുന്നവർ ഈ കാര്യങ്ങൾ ശ്രദ്ധിച്ചാൽ ഒരു പരിധി വരെ ആരോഗ്യപ്രശ്നങ്ങലെ മറികടക്കാം

### Related Links & Sources
- [Original Story Source](https://truevisionnews.com/news/303653/work-sitting-for-long-hours-of-time-health-issues-new-)