---
title: "ആറ് മിനിറ്റിൽ അത്ഭുതം; ഭൂമി സമ്പൂർണമായി ഇരുട്ടിലാകും, 100 വർഷത്തിനിടയിലെ ഏറ്റവും ദൈർഘ്യമേറിയ സൂര്യഗ്രഹണം ഓഗസ്റ്റ് രണ്ട്..."
english_title: "A rare total solar eclipse will occur once in 100 years on August 2, 2027"
publisher: "truevisionnews.com"
canonical_url: "https://truevisionnews.com/news/303617/a-rare-total-solar-eclipse-will-occur-once-in-100-years-on-august-2-2027"
published_at: "2025-07-20T12:32:00+05:30"
category: "Tech-Info"
language: "ml"
image: "https://cf.zdn.im/img/truevisionnews.com/0/image-uploads/687c94f8c20b5_sun.jpg"
keywords: []
---

# ആറ് മിനിറ്റിൽ അത്ഭുതം; ഭൂമി സമ്പൂർണമായി ഇരുട്ടിലാകും, 100 വർഷത്തിനിടയിലെ ഏറ്റവും ദൈർഘ്യമേറിയ സൂര്യഗ്രഹണം ഓഗസ്റ്റ് രണ്ട്...

> **Lead Summary:** ([**truevisionnews.com**] ഭൂമിയിൽ എവിടെയെങ്കിലും 18 മാസത്തിലൊരിക്കൽ സൂര്യഗ്രഹണം സംഭവിക്കുന്നുണ്ട്. എന്നാൽ ശരാശരി 100 വർഷത്തിലൊരിക്കൽ മാത്രമേ ഒരു പ്രദേശത്ത് സമ്പൂർണ സൂര്യഗ്രഹണം ഉണ്ടാകുന്നുള്ളൂ. ചന്ദ്രൻ സൂര്യനെ പൂർണ്ണമായും മറയ്‌ക്കുകയും സൂര്യന്‍റെ ബാഹ്യ വലയം മാത്രം ദൃശ്യമാകുകയും ചെയ്യുമ്പോഴാണ് സമ്പൂർണ സൂര്യഗ്രഹണം നടന്നുവെന്ന് പറയാൻ കഴിയുക.

## Article Content

([**truevisionnews.com**] ഭൂമിയിൽ എവിടെയെങ്കിലും 18 മാസത്തിലൊരിക്കൽ സൂര്യഗ്രഹണം സംഭവിക്കുന്നുണ്ട്. എന്നാൽ ശരാശരി 100 വർഷത്തിലൊരിക്കൽ മാത്രമേ ഒരു പ്രദേശത്ത് സമ്പൂർണ സൂര്യഗ്രഹണം ഉണ്ടാകുന്നുള്ളൂ. ചന്ദ്രൻ സൂര്യനെ പൂർണ്ണമായും മറയ്‌ക്കുകയും സൂര്യന്‍റെ ബാഹ്യ വലയം മാത്രം ദൃശ്യമാകുകയും ചെയ്യുമ്പോഴാണ് സമ്പൂർണ സൂര്യഗ്രഹണം നടന്നുവെന്ന് പറയാൻ കഴിയുക.

ഇനിയിതാ ലോകം ഒരു വലിയ സൂര്യഗ്രഹണത്തിന് സാക്ഷ്യം വഹിക്കാൻ പോകുന്നു. യൂറോപ്പ്, വടക്കേ ആഫ്രിക്ക, അറേബ്യയുടെ ചില ഭാഗങ്ങൾ എന്നിവിടങ്ങളിൽ 2027 ഓഗസ്റ്റ് 2-ന് ഈ അപൂർവ പൂർണ്ണ സൂര്യഗ്രഹണം ദൃശ്യമാകും. ഈ ഗ്രഹണത്തിന്‍റെ ഏറ്റവും സവിശേഷമായ കാര്യം അതിന്‍റെ സമയ ദൈർഘ്യം ആയിരിക്കും. ഈ സൂര്യഗ്രഹണം 6 മിനിറ്റും 23 സെക്കൻഡും നീണ്ടുനിൽക്കുമെന്ന് പ്രതീക്ഷിക്കുന്നു. ഏകദേശം 100 വർഷത്തിനിടയിലെ ഏറ്റവും ദൈർഘ്യമേറിയ സൂര്യഗ്രഹണം ആണിത്.

**

2027 ഓഗസ്റ്റ് രണ്ടിനാണ് ഇത് സംഭവിക്കുക**

ജ്യോതിശാസ്ത്രത്തിൽ താല്‍പര്യമുള്ളവർക്ക് 2027 ഓഗസ്റ്റ് 2-ന് നടക്കുന്ന സൂര്യഗ്രഹണം വളരെ സവിശേഷമായിരിക്കും. കാരണം 1991-നും 2114-നും ഇടയിൽ കരയിൽ നിന്ന് ദൃശ്യമാകുന്ന ഏറ്റവും ദൈർഘ്യമേറിയ പൂർണ്ണ സൂര്യഗ്രഹണമായിരിക്കും ഇത്. ഈ സമയത്ത്, ലോകത്തിന്‍റെ വലിയൊരു ഭാഗത്ത് സൂര്യൻ കാഴ്ചയിൽ നിന്ന് പൂർണ്ണമായും അപ്രത്യക്ഷമാകും. ഏകദേശം ആറ് മിനിറ്റ് ലോകം ഇരുട്ടിൽ മുങ്ങും. നൂറുകണക്കിന് വർഷത്തെ ചരിത്രത്തിലെ ഏറ്റവും ദൈർഘ്യമേറിയ സൂര്യഗ്രഹണമാണിത്.

2027 ഓഗസ്റ്റ് 2-ന് സംഭവിക്കുന്ന സൂര്യഗ്രഹണത്തിന്‍റെ പൂർണ്ണ പാത 275 കിലോമീറ്റർ വീതിയുള്ളതായിരിക്കും. അത്തരമൊരു സാഹചര്യത്തിൽ. ഇത് നിരവധി ഭൂഖണ്ഡങ്ങളെ ഉൾക്കൊള്ളും. ആഫ്രിക്കയിലെ മിക്ക രാജ്യങ്ങളിൽ നിന്നും ഇത് ദൃശ്യമാകും. ഈ സൂര്യഗ്രഹണം അറ്റ്ലാന്‍റിക് സമുദ്രത്തിൽ നിന്ന് ആരംഭിച്ച് തെക്കൻ സ്പെയിനിലെയും വടക്കേ ആഫ്രിക്കയിലെയും ജിബ്രാൾട്ടർ കടലിടുക്ക് വഴി അറേബ്യൻ ഉപദ്വീപിലേക്ക് പോകും.

ഈ പൂർണ്ണ സൂര്യഗ്രഹണം ആദ്യം ദൃശ്യമാകുന്നത് തെക്കൻ സ്പെയിൻ, ജിബ്രാൾട്ടർ, മൊറോക്കോ എന്നിവിടങ്ങളിലാണ് എന്നാണ് റിപ്പോർട്ടുകൾ. ഇതിനുശേഷം, ആകാശത്തിലെ ഏറ്റവും ഉയർന്ന സ്ഥാനത്ത് എത്തുമ്പോൾ അൾജീരിയ, ടുണീഷ്യ, ലിബിയ, ഈജിപ്ത് എന്നിവിടങ്ങളിൽ സൂര്യഗ്രഹണം സംഭവിക്കും. ഈജിപ്‍തിന് ശേഷം സൂര്യഗ്രഹണം ചെങ്കടൽ കടന്ന് സൗദി അറേബ്യ, യെമൻ, സൊമാലിയ എന്നിവിടങ്ങളിൽ ഇരുട്ട് കൊണ്ടുവരും. കാഡിസ്, മലാഗ എന്നീ സ്‌പാനിഷ് നഗരങ്ങൾ നാല് മിനിറ്റിലധികം പൂർണ്ണമായും ഇരുട്ടിൽ തുടരും. 2027 ഓഗസ്റ്റിലെ സൂര്യഗ്രഹണം ഇന്ത്യയിലും പരിസര രാജ്യങ്ങളിലും ദൃശ്യമാകില്ല. 

നിലവിൽ ചരിത്രത്തിലെ ഏറ്റവും ദൈർഘ്യമേറിയ പൂർണ്ണ സൂര്യഗ്രഹണം സംഭവിച്ചത് ബിസി 743-ലാണ്. അന്ന് 7 മിനിറ്റും 28 സെക്കൻഡും ഭൂമിയിൽ ഇരുട്ട് നിലനിന്നിരുന്നു. 2027 ഓഗസ്റ്റ് -2ന് വരാനിരിക്കുന്ന സൂര്യഗ്രഹണം വിശാലവും ദൈര്‍ഘ്യമേറിയതുമായതിനാല്‍ വിവിധ ഭൂഖണ്ഡങ്ങളിലെ ദശലക്ഷക്കണക്കിന് ആളുകൾക്ക്, ആകാശ നിരീക്ഷകർ, ശാസ്ത്രജ്ഞർ, ഫോട്ടോഗ്രാഫർമാർ എന്നിവർക്ക് ഈ വിസ്മയകരമായ ആകാശ പ്രതിഭാസം ജീവിതത്തിൽ ഒരിക്കൽ മാത്രം സംഭവിക്കുന്ന അനുഭവമായിരിക്കും.

### Related Links & Sources
- [Original Story Source](https://truevisionnews.com/news/303617/a-rare-total-solar-eclipse-will-occur-once-in-100-years-on-august-2-2027)