---
title: "കോഴിക്കോട് പേരാമ്പ്രയിൽ പ്രായപൂർത്തിയാവാത്ത പെണ്‍കുട്ടിയെ പീഡിപ്പിച്ച് ഗര്‍ഭിണിയാക്കി; യുവാവ് അറസ്റ്റിൽ"
english_title: "minor girl was raped and made pregnant in Perambra, Kozhikode; a youth was arrested"
publisher: "truevisionnews.com"
canonical_url: "https://truevisionnews.com/news/300845/minor-girl-was-raped-and-made-pregnant-in-perambra-kozhikode-a-youth-was-arrested"
published_at: "2025-07-06T11:24:00+05:30"
category: "Crime"
language: "ml"
image: "https://cf.zdn.im/img/truevisionnews.com/0/image-uploads/686a1082a1975_safwan.jpg"
keywords: []
---

# കോഴിക്കോട് പേരാമ്പ്രയിൽ പ്രായപൂർത്തിയാവാത്ത പെണ്‍കുട്ടിയെ പീഡിപ്പിച്ച് ഗര്‍ഭിണിയാക്കി; യുവാവ് അറസ്റ്റിൽ

> **Lead Summary:** **കോഴിക്കോട് : **കോഴിക്കോട് പേരാമ്പ്ര കൂരാച്ചുണ്ടില്‍ പെണ്‍കുട്ടിയെ ലൈംഗികമായി പീഡിപ്പിച്ച് ഗര്‍ഭിണിയാക്കിയ യുവാവ് അറസ്റ്റിൽ. കുരാച്ചുണ്ട് സ്വദേശി സഫ്വാനാണ് പിടിയിലായത്. പെണ്‍കുട്ടിയുടെ പരാതിയുടെ അടിസ്ഥാനത്തിലാണ് യുവാവിനെ കുരാച്ചുണ്ട് പൊലീസ് കസ്റ്റഡിയിൽ എടുത്തത്.

## Article Content

**കോഴിക്കോട് : **കോഴിക്കോട് പേരാമ്പ്ര കൂരാച്ചുണ്ടില്‍ പെണ്‍കുട്ടിയെ ലൈംഗികമായി പീഡിപ്പിച്ച് ഗര്‍ഭിണിയാക്കിയ യുവാവ് അറസ്റ്റിൽ. കുരാച്ചുണ്ട് സ്വദേശി സഫ്വാനാണ് പിടിയിലായത്. പെണ്‍കുട്ടിയുടെ പരാതിയുടെ അടിസ്ഥാനത്തിലാണ് യുവാവിനെ കുരാച്ചുണ്ട് പൊലീസ് കസ്റ്റഡിയിൽ എടുത്തത്.

പ്രണയം നടിച്ചാണ് പ്രായപൂർത്തിയാവാത്ത പെണ്‍കുട്ടിയെ പീഡിപ്പിച്ച് ഗർഭിണിയാക്കി എന്നാണ് യുവാവിനെതിരെയുള്ള പരാതി. 2022 മുതല്‍ കഴിഞ്ഞ വര്‍ഷം വരെ മൂന്ന് തവണയാണ് സഫ്വാന്‍ പീഡിപ്പിച്ചിട്ടുണ്ടെന്നാണ് പെൺകുട്ടി പരാതിയിൽ പറയുന്നു. സംഭവത്തിൽ വിശദമായ അന്വേഷണത്തിനായി കൂരാച്ചുണ്ട് പൊലീസ് എഫ് ഐ ആർ രജിസ്റ്റർ ചെയ്‌തിട്ടുണ്ട്.

**പോക്‌സോ (POCSO) **എന്നത് കുട്ടികൾക്കെതിരായ ലൈംഗികാതിക്രമങ്ങളിൽ നിന്ന് അവരെ സംരക്ഷിക്കുന്നതിനുള്ള നിയമം ആണ്. 2012-ൽ ഇന്ത്യൻ പാർലമെന്റ് പാസാക്കിയ ഈ നിയമം, കുട്ടികളെ ലൈംഗികമായി ചൂഷണം ചെയ്യുന്നതിനും ഉപദ്രവിക്കുന്നതിനും എതിരെ ശക്തമായ നിയമവ്യവസ്ഥകൾ കൊണ്ടുവന്നു.

പോക്‌സോ നിയമം പ്രധാനമായും മൂന്ന് തരം ലൈംഗികാതിക്രമങ്ങളെയാണ് കൈകാര്യം ചെയ്യുന്നത്:

**ലൈംഗികാതിക്രമം (Sexual Assault):** ലൈംഗിക ഉദ്ദേശ്യത്തോടെ കുട്ടിയുടെ സ്വകാര്യ ഭാഗങ്ങളിൽ സ്പർശിക്കുകയോ, കുട്ടിയെക്കൊണ്ട് കുറ്റവാളിയുടെയോ മറ്റൊരാളുടെയോ സ്വകാര്യഭാഗങ്ങളിൽ സ്പർശിപ്പിക്കുകയോ ചെയ്യുന്നത്. **ശിക്ഷ: **കുറഞ്ഞത് 3 വർഷം മുതൽ 5 വർഷം വരെ തടവും പിഴയും. **വർദ്ധിത ലൈംഗികാതിക്രമം (Aggravated Sexual Assault):** പോലീസ് ഉദ്യോഗസ്ഥർ, അധ്യാപകർ, ഡോക്ടർമാർ, കുട്ടിയുടെ ബന്ധുക്കൾ, സ്ഥാപനങ്ങളിലെ ജീവനക്കാർ തുടങ്ങിയ വിശ്വാസ സ്ഥാനങ്ങളിലുള്ളവർ കുറ്റം ചെയ്യുകയാണെങ്കിൽ, അല്ലെങ്കിൽ ആവർത്തിച്ചുള്ള കുറ്റമാണെങ്കിൽ, ശിക്ഷ കൂടുതൽ കർശനമാകും. കുറഞ്ഞത് 5 വർഷം മുതൽ 7 വർഷം വരെ തടവും പിഴയും.

യോനി, ലിംഗം, മലദ്വാരം, മൂത്രനാളി എന്നിവയിൽ ശരീരഭാഗങ്ങളോ വസ്തുക്കളോ പ്രവേശിപ്പിക്കുന്നത്. (ബലാത്സംഗത്തിന് സമാനമായ കുറ്റം). **ശിക്ഷ: **കുറഞ്ഞത് 10 വർഷം മുതൽ ജീവപര്യന്തം വരെ തടവും പിഴയും. **വർദ്ധിത ലൈംഗിക കടന്നുകയറ്റമുള്ള ലൈംഗികാതിക്രമം (Aggravated Penetrative Sexual Assault): **മേൽപ്പറഞ്ഞ സാഹചര്യങ്ങളിൽ കുറ്റവാളിയുടെ സ്ഥാനം, കുറ്റകൃത്യത്തിന്റെ കാഠിന്യം (ഉദാ: 16 വയസ്സിൽ താഴെയുള്ള കുട്ടിയെ ഉപദ്രവിക്കുന്നത്), കൂട്ടായ അതിക്രമം, ആവർത്തന സ്വഭാവം എന്നിവയനുസരിച്ച് ശിക്ഷ കൂടുതൽ കഠിനമാകും. കുറഞ്ഞത് 20 വർഷം തടവ് മുതൽ ജീവപര്യന്തം (മരണം വരെ തടവ്), അല്ലെങ്കിൽ മരണശിക്ഷ വരെയും ലഭിക്കാം (2019-ലെ ഭേദഗതി പ്രകാരം).

കുട്ടികളെ ഉപയോഗിച്ച് ലൈംഗിക ഉദ്ദേശ്യത്തോടെ അശ്ലീല ചിത്രങ്ങളോ വീഡിയോകളോ നിർമ്മിക്കുകയോ പ്രചരിപ്പിക്കുകയോ വിതരണം ചെയ്യുകയോ ചെയ്യുന്നത്.** ശിക്ഷ:** കുറ്റത്തിന്റെ കാഠിന്യമനുസരിച്ച് 5 വർഷം മുതൽ 7 വർഷം വരെ തടവും പിഴയും. വാണിജ്യപരമായ ആവശ്യങ്ങൾക്കാണെങ്കിൽ ശിക്ഷ വർദ്ധിക്കും.

### Related Links & Sources
- [Original Story Source](https://truevisionnews.com/news/300845/minor-girl-was-raped-and-made-pregnant-in-perambra-kozhikode-a-youth-was-arrested)