---
title: "തിരുവനന്തപുരത്ത് വീണ്ടും തെരുവുനായ ആക്രമണം; ഇരുപതോളം പേർക്ക് കടിയേറ്റു, നായയെ കണ്ടെത്താനായില്ല"
english_title: "stray dog ​​attack Thiruvananthapuram Around twenty people bitten "
publisher: "truevisionnews.com"
canonical_url: "https://truevisionnews.com/news/300164/stray-dog-attack-thiruvananthapuram-around-twenty-people-bitten"
published_at: "2025-07-03T07:31:00+05:30"
category: "Thiruvananthapuram"
language: "ml"
image: "https://cf.zdn.im/img/truevisionnews.com/0/image-uploads/6865e4aa4cea2_stray_dog_attack.jpg"
keywords: []
---

# തിരുവനന്തപുരത്ത് വീണ്ടും തെരുവുനായ ആക്രമണം; ഇരുപതോളം പേർക്ക് കടിയേറ്റു, നായയെ കണ്ടെത്താനായില്ല

> **Lead Summary:** സംസ്ഥാനത്ത് വീണ്ടും തെരുവുനായ ആക്രമണം. തിരുവനന്തപുരം പോത്തൻകോട് തെരുവ് നായയുടെ ആക്രമണത്തിൽ ഇരുപതോളം പേർക്ക് കടിയേറ്റു. നായയെ കണ്ടെത്താനായിട്ടില്ല. ഇന്നലെ വൈകുന്നേരം ഏഴുമണിയോടെയാണ് സംഭവമുണ്ടായത്. മൂന്ന് സ്ത്രീകളും ഒൻപത് ഇതര സംസ്ഥാന തൊഴിലാളികളുമടക്കം ഇരുപതോളം പേർക്കാണ് നായയുടെ കടിയേറ്റത്.

## Article Content

സംസ്ഥാനത്ത് വീണ്ടും തെരുവുനായ ആക്രമണം. തിരുവനന്തപുരം പോത്തൻകോട് തെരുവ് നായയുടെ ആക്രമണത്തിൽ ഇരുപതോളം പേർക്ക് കടിയേറ്റു. നായയെ കണ്ടെത്താനായിട്ടില്ല. ഇന്നലെ വൈകുന്നേരം ഏഴുമണിയോടെയാണ് സംഭവമുണ്ടായത്. മൂന്ന് സ്ത്രീകളും ഒൻപത് ഇതര സംസ്ഥാന തൊഴിലാളികളുമടക്കം ഇരുപതോളം പേർക്കാണ് നായയുടെ കടിയേറ്റത്.

പോത്തൻകോട് ജംഗ്ഷൻ മുതൽ ഒന്നര കിലോമീറ്റർ അകലെ പൂലന്തറ വരെയുള്ളവർക്ക് നായയുടെ കടിയേറ്റിട്ടുണ്ട്. പോത്തൻകോട് ബസ്സ് സ്റ്റാന്റിലേക്കും മേലേമുക്കിലേക്കും തുടർന്ന് പൂലന്തറ ഭാഗത്തേക്കുമാണ് നായ ഓടിയത്. എല്ലാവർക്കും കാലിലാണ് കടിയേറ്റത്. കടിയേറ്റവർ മെഡിക്കൽ കോളേജിൽ ചികിത്സ തേടി. നായയെ കണ്ടെത്താനുള്ള തിരച്ചിൽ ആരംഭിക്കും.

### Related Links & Sources
- [Original Story Source](https://truevisionnews.com/news/300164/stray-dog-attack-thiruvananthapuram-around-twenty-people-bitten)