---
title: "മഴക്കെടുതി രൂക്ഷം; മാണ്ഡിയിൽ മിന്നൽ പ്രളയത്തിൽ മരിച്ചവരുടെ എണ്ണം പതിനൊന്ന് ആയി; 34 പേർക്കായി ഇന്നും തെരച്ചിൽ തുടരും "
english_title: "Rainstorms Death toll flash floods Mandi himachalpradesh rises eleven Search for 34 people continue today"
publisher: "truevisionnews.com"
canonical_url: "https://truevisionnews.com/news/300158/rainstorms-death-toll-flash-floods-mandi-himachalpradesh-rises-eleven-search-for-34-people-continue-today"
published_at: "2025-07-03T06:58:00+05:30"
category: "National"
language: "ml"
image: "https://cf.zdn.im/img/truevisionnews.com/0/image-uploads/6865dcf553639_rain.jpg"
keywords: []
---

# മഴക്കെടുതി രൂക്ഷം; മാണ്ഡിയിൽ മിന്നൽ പ്രളയത്തിൽ മരിച്ചവരുടെ എണ്ണം പതിനൊന്ന് ആയി; 34 പേർക്കായി ഇന്നും തെരച്ചിൽ തുടരും 

> **Lead Summary:** മഴ കനത്തതോടെ ഉത്തരേന്ത്യൻ സംസ്ഥാനങ്ങളിൽ മഴക്കെടുതി രൂക്ഷമായി. ഹിമാചൽ പ്രദേശിലെ മാണ്ഡിയിൽ മിന്നൽ പ്രളയത്തിൽ മരിച്ചവരുടെ എണ്ണം പതിനൊന്ന് ആയി. കാണാതായ 34 പേർക്കായി എൻഡിആർഎഫ്, എസ്ഡിആർഎഫ് സംഘങ്ങളുടെ നേതൃത്വത്തിൽ ഇന്നും തെരച്ചിൽ തുടരും. മണ്ണിടിച്ചിലിനെ തുടർന്ന് ചണ്ഡിഗഡ് മണാലി ദേശീയ പാത അടച്ചത് വിനോദ സഞ്ചാരികൾ അടക്കം നിരവധി പേർ കുടുങ്ങിക്കിടക്കാൻ കാരണമായി.

## Article Content

മഴ കനത്തതോടെ ഉത്തരേന്ത്യൻ സംസ്ഥാനങ്ങളിൽ മഴക്കെടുതി രൂക്ഷമായി. ഹിമാചൽ പ്രദേശിലെ മാണ്ഡിയിൽ മിന്നൽ പ്രളയത്തിൽ മരിച്ചവരുടെ എണ്ണം പതിനൊന്ന് ആയി. കാണാതായ 34 പേർക്കായി എൻഡിആർഎഫ്, എസ്ഡിആർഎഫ് സംഘങ്ങളുടെ നേതൃത്വത്തിൽ ഇന്നും തെരച്ചിൽ തുടരും. മണ്ണിടിച്ചിലിനെ തുടർന്ന് ചണ്ഡിഗഡ് മണാലി ദേശീയ പാത അടച്ചത് വിനോദ സഞ്ചാരികൾ അടക്കം നിരവധി പേർ കുടുങ്ങിക്കിടക്കാൻ കാരണമായി.

ഉത്തരാഖണ്ഡിൽ കനത്ത മഴയിലും മണ്ണിടിച്ചിലിലും കാണാതായവർക്കായി ഇന്നും തെരച്ചിൽ തുടരും. മധ്യ പ്രദേശിലും, ഉത്തർ പ്രദേശിലും, രാജസ്ഥാനിലും കനത്ത മഴയെ തുടർന്ന് പലയിടത്തും വെള്ളക്കെട്ട് രൂപപ്പെട്ടു. ജൂലൈ 7വരെ വടക്കൻ സംസ്ഥാനങ്ങളിൽ അതിശക്തമായ മഴ ലഭിക്കുമെന്നാണ് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്.

### Related Links & Sources
- [Original Story Source](https://truevisionnews.com/news/300158/rainstorms-death-toll-flash-floods-mandi-himachalpradesh-rises-eleven-search-for-34-people-continue-today)