ബ്രേക്ക് ഫാസ്റ്റായോ നാലുമണി ചായയുടെ കൂടെയോ കഴിക്കാവുന്ന ഒരു വിഭവം പരിചയപ്പെടാം. കുട്ടികൾക്കും മുതിർന്നവർക്കും ഒരുപോലെ ഇഷ്ടപ്പെടുന്ന ഒന്നാണിത് .
ചേരുവകൾ:
- പുതിയിനയില - 1/4 കപ്പ്
- മല്ലിയില - 1/4 കപ്പ്
- നാളികേരം - 2 കപ്പ്
- പച്ചമുളക് - 2 എണ്ണം
- വെള്ളം - 1 കപ്പ്
ഈ ചേരുവകൾ അരച്ച ശേഷം അരിച്ച് എടുക്കണം.
ഒരു പാത്രത്തിൽ 2 ടേബിൾ സ്പൂൺ വെളിച്ചെണ്ണ ഒഴിച്ചു അതിലേക്ക് 1/2 ടീ സ്പൂൺ ഉപ്പ്, 1 ടീ സ്പൂൺ പഞ്ചസാര എന്നിവചേർത്ത് അലിയിക്കുക. 1 1/2 കപ്പ് ഗോതമ്പുപൊടി കൂടി ചേർത്ത്, അരച്ചെടുത്ത മിശ്രിതവും ആവശ്യാനുസരണം വെള്ളവും ചേർത്ത് ദോശമാവ് തയാറാക്കുക.
പനീർ കറി തയാറാക്കാൻ വേണ്ട ചേരുവകൾ:
- വെണ്ണ - 2 ടേബിൾ സ്പൂൺ
- ജീരകം - 1 ടേബിൾ സ്പൂൺ
- ചെറിയ ഉള്ളി - 12 എണ്ണം
- വെളുത്തുള്ളി - 2 എണ്ണം
- അണ്ടിപ്പരിപ്പ് - 12- 14 എണ്ണം
- തക്കാളി- 4 എണ്ണം (കഷ്ണങ്ങളാക്കിയത്)
- മുളകുപൊടി - 2 ടീ സ്പൂൺ
- മല്ലിപ്പൊടി - 1 1/2 ടീ സ്പൂൺ
തയാറാക്കുന്ന വിധം
- ചട്ടിയിൽ വെണ്ണ തിളപ്പിച്ച് ബാക്കി ചേരുവകൾ ചേർത്തിളക്കി വറുത്തെടുക്കുക. ഇത് മിക്സിയിൽ അരച്ചെടുക്കുക.
- മറ്റൊരു ചട്ടിയിൽ 1 ടേബിൾ സ്പൂൺ വെണ്ണ ഒഴിച്ച് ചൂടാക്കി പനീർ കഷ്ണങ്ങളാക്കിയത് (400 ഗ്രാം ) കൂടി ചേർക്കുക.
- 1/4 കപ്പ് വെള്ളത്തിൽ 3/4 ടീ സ്പൂൺ ഉപ്പ് ചേർത്ത് തിളപ്പിക്കുക.
- ഒരു പ്ളാസ്റ്റിക് വെള്ളക്കുപ്പിയുടെ മൂടിയിൽ സുഷിരങ്ങൾ ഉണ്ടാക്കി, ദോശമാവതിൽ നിറച്ച് ദോശചട്ടിയിൽ വെണ്ണ പുരട്ടി ചുട്ടെടുക്കുക. ചുട്ടെടുത്ത ദോശ വശങ്ങൾ മടക്കി ,പനീർ കറി നിറച്ച് ചുരുട്ടിയെടുക്കുക.
- വ്യത്യസ്തമായ ഒരു സ്പെഷൽ വിഭവം ഇതാ തയാറായി കഴിഞ്ഞു!.
Net paneer dosha can make easly