#LDF | മുണ്ടക്കൈ ദുരന്തം; കേന്ദ്ര അവഗണനക്കെതിരെ എൽഡിഎഫിന്‍റെ സംസ്ഥാന വ്യാപക പ്രക്ഷോഭം ഇന്ന്

തിരുവനന്തപുരം: ( www.truevisionnews.com ) വയനാട് മുണ്ടക്കൈ ദുരന്തത്തിലെ കേന്ദ്ര അവഗണനക്കെതിരെ എൽഡിഎഫിന്‍റെ സംസ്ഥാന വ്യാപക പ്രക്ഷോഭം ഇന്ന്.

Also read: അവിശ്വാസ പ്രമേയത്തെ അനുകൂലിച്ച് വോട്ട് ചെയ്തു; പനമരത്ത് വാർഡ് മെമ്പർക്ക് നേരെ ആക്രമണം

രാജ്ഭവനിലേക്കും മറ്റു ജില്ലാ കേന്ദ്രങ്ങളിലേക്കും ഇടതുമുന്നണി ഇന്ന് പ്രക്ഷോഭം നടത്തും. രാവിലെ പത്തര മുതൽ ഒരു മണി വരെയാണ് പ്രതിഷേധം. രാജ്ഭവന് മുന്നിൽ നടക്കുന്ന പ്രതിഷേധത്തിൽ 25,000 ത്തോളം പേരെ പങ്കെടുപ്പിക്കാനാണ് ഇടതുമുന്നണി തീരുമാനം.

രാജ്ഭവനു മുന്നിലെ പ്രതിഷേധം സിപിഎം സംസ്ഥാന സെക്രട്ടറി എം.വി ഗോവിന്ദനും കൊല്ലത്ത് നടക്കുന്ന പ്രതിഷേധം എൽഡിഎഫ് കൺവീനർ ടി.പി രാമകൃഷ്ണനും ഉദ്ഘാടനം ചെയ്യും. എൽഡിഎഫിലും പ്രധാനപ്പെട്ട നേതാക്കൾ മറ്റു ജില്ലകളിലെ പരിപാടിയുടെ ഭാഗമാകും.

Also read: നടിയെ ആക്രമിച്ച കേസ്; വിചാരണ നടപടികള്‍ അവസാന ഘട്ടത്തില്‍, പ്രതിഭാഗത്തിന്റെ വാദം ഇന്ന്

അതേസമയം ദുരന്തത്തിലെ കേന്ദ്രസഹായത്തിൽ,ആഭ്യന്തര മന്ത്രി അമിത് ഷാ നിലപാട് അറിയിച്ചേക്കും.കൂടുതൽ കേന്ദസഹായം ആവശ്യപ്പെട്ട് ഇന്നലെ കേരളത്തിലെ എംപിമാർ നിവേദനം നൽകിയിരുന്നു.

ദുരന്ത നിവാരണ ഭേദഗതി ബില്ലും ഇന്ന് ലോക്സഭയിൽ അവതരിപ്പിച്ചേക്കും. റെയിൽവേ ഭേദഗതി ബില്ലിന്മേൽ ചർച്ച തുടരും. രാജ്യസഭയിൽ ഏവിയേഷൻ ഭേദഗതി ബിൽ അവതരിപ്പിക്കും. ഇന്നലെ ബോയിലേഴ്സ് ബിൽ പാസാക്കിയിരുന്നു.

Also read: ക്ഷേത്രക്കുളത്തിൽ ഭർത്താവിനൊപ്പം കുളിക്കാൻ ഇറങ്ങിയ യുവതിയെ കാണാതായി; തെരച്ചിൽ ഊർജിതം

#Mundakai #landslide #LDF #state #wide #protest #today #against #central #neglect