കട്ടപ്പന : പത്താം ക്ലാസ് വിദ്യാർഥിനിയുടെ നഗ്നദൃശ്യങ്ങൾ കൈക്കലാക്കിയ വിദ്യാർഥിക്കെതിരെ ഉപ്പുതറ പൊലീസ് കേസെടുത്തു. ഒളിവിൽ പോയ പ്രതിക്കും പ്രായപൂർത്തിയായിട്ടില്ലെന്നാണ് പൊലീസ് നിഗമനം. അമ്മയുടെ മൊബൈൽ ഫോൺ ഉപയോഗിച്ചാണ് പെൺകുട്ടി ഓൺലൈൻ പഠനം നടത്തിയിരുന്നത്.
സഹപാഠിയുടെ സുഹൃത്തുമായി സമൂഹ മാധ്യമങ്ങളിലൂടെ അടുക്കുകയും പിന്നീട് അയാൾ പെൺകുട്ടിയുടെ നഗ്നദൃശ്യങ്ങൾ കൈക്കലാക്കുകയുമായിരുന്നു. വീട്ടുകാർ നടത്തിയ പരിശോധനയിലാണ് ദൃശ്യങ്ങൾ കണ്ടെത്തിയത്. പൊലീസിൽ പരാതി നൽകി. പ്രതി ഒളിവിലാണ്. ഇയാൾ ദൃശ്യങ്ങൾ ദുരുപയോഗം ചെയ്തിട്ടുണ്ടോയെന്നും അന്വേഷിക്കുന്നുണ്ട്.
Student nude photos taken; Police case against student