ചിങ്ങവനം: (truevisionnews.com) യുവതിയെ വീടുകയറി ആക്രമിച്ച രണ്ടുപേരെ അറസ്റ്റ് ചെയ്തു.
പൂവൻതുരുത്ത് കൊല്ലാട് ചെറിയാത്തുവിഴ വീട്ടിൽ നിധിൻ സി. ഷാജി, പൂവൻതുരുത്ത് തുണ്ടിപ്പറമ്പിൽ വീട്ടിൽ ജിതിൻ സുരേഷ് (ജിബ്രു) എന്നിവരെയാണ് ചിങ്ങവനം പൊലീസ് അറസ്റ്റ് ചെയ്തത്.
നാട്ടകത്ത് വാടകക്ക് താമസിക്കുന്ന യുവതിയുടെ വീട്ടിൽ ഇവർ ഇരുവരും അതിക്രമിച്ചുകയറി അസഭ്യംപറയുകയും ആക്രമിക്കുകയുമായിരുന്നു.
ജിതിന് പണം കടംകൊടുത്തത് യുവതി തിരികെ ചോദിച്ചതിലുള്ള വിരോധം മൂലമാണ് ആക്രമണം. നിധിനും ജിതിനും കോട്ടയം ഈസ്റ്റ് സ്റ്റേഷനിൽ ക്രിമിനൽക്കേസിൽ പ്രതികളാണ്.
ചിങ്ങവനം എസ്.എച്ച്.ഒ വി.എസ്. അനിൽകുമാർ, എസ്.ഐമാരായ അജ്മൽ ഹുസൈൻ, സജി, സി.പി.ഒ സഞ്ജിത്ത് എന്നിവർ ചേർന്നാണ് ഇവരെ അറസ്റ്റ് ചെയ്തത്. കോടതിയിൽ ഹാജരാക്കിയ ഇരുവരെയും റിമാൻഡ് ചെയ്തു.
#Two #men #broke #woman #house #assaulted #arrested
