കണ്ണൂർ: (truevisionnews.com) കണ്ണൂർ പയ്യന്നൂരിൽ നിർത്തിയിട്ട ബൈക്കിൽ നിന്ന് പെട്രോളും ബാറ്ററിയും മോഷണം പോയി.
ബുധനാഴ്ച പുലർച്ചെ 4.30 ഓടെയാണ് സംഭവം. പയ്യന്നൂർ ബി കെ എം ജംഗ്ഷന് സമീപത്തെ സ്വകാര്യ സ്ഥാപനത്തിന് മുന്നിൽ നിർത്തിയിട്ടിരുന്ന ശ്യാംകുമാറിന്‍റെ ബൈക്കിലെ പെട്രോളും ബാറ്ററിയുമാണ് മോഷ്ടിക്കപ്പെട്ടത്.
ശ്യാം കുമാർ പയ്യന്നൂർ പൊലീസിൽ പരാതി നൽകി. കടയിലെ സിസിടിവി ക്യാമറ ദൃശ്യങ്ങളടക്കം പൊലീസിന് കൈമാറിയിട്ടുണ്ട്. പയ്യന്നൂർ പൊലീസ് അന്വേഷണം തുടങ്ങി.
#theft #Petrol #battery #stolen #from #parked #bike #Payyannur #investigation
