(truevisionnews.com) തിരുവനന്തപുരത്ത് ആമയിഴഞ്ചാന് തോട്ടിലെ മാലിന്യക്കൂമ്പാരത്തില് വീണ ആളെ രക്ഷിക്കാന് നടത്തുന്ന ശ്രമം വിജയത്തില് എത്തട്ടേയെന്നു പ്രാര്ത്ഥിക്കുന്നുവെന്ന് പ്രതിപക്ഷ നേതാവ് വി ഡി സതീശൻ.
നഗരത്തിലെ മുഴുവന് മാലിന്യവുമാണ് അവിടെ അടിഞ്ഞു കൂടിയിരിക്കുന്നത്. നിലവില് സ്കൂബാ ഡൈവിങ് ടീമും റോബോട്ട്സും അവിടെ എത്തുകയും മാലിന്യങ്ങള് ടണ് കണക്കിന് നീക്കം ചെയ്തിട്ടുമുണ്ട്.
ഇതിനെല്ലാം ഒരു മനുഷ്യന്റെ തിരോധാനം വേണ്ടി വന്നു എന്നത് സങ്കടകരമാണെന്നും വി ഡി സതീശൻ കുറ്റപ്പെടുത്തി.
മഴക്കാല പൂര്വ ശുചീകരണത്തില് സര്ക്കാര് ദയനീയമായി പരാജയപ്പെട്ടെന്ന് പ്രതിപക്ഷം നിയമസഭയില് ചൂണ്ടിക്കാട്ടിയപ്പോള് തദ്ദേശ മന്ത്രി പരിഹസിക്കുകയായിരുന്നു.
അലക്കിത്തേച്ച വടിവൊത്ത വാക്കുകള് കൊണ്ട് പ്രതിപക്ഷത്തെ പരിഹസിച്ച തദ്ദേശ മന്ത്രിയോട് ചോദിക്കാനുള്ളത്, നിങ്ങള് എന്തു ചെയ്യുകയായിരുന്നു ഇത്ര നാള് എന്നതാണ്.
അതേ സമയം, എറണാകുളം മറ്റൂർ-നെടുമ്പാശ്ശേരി വിമാനത്താവള റോഡിൽ നിന്ന മരം ശക്തമായ കാറ്റിൽ വാഹനത്തിന് മുകളിലേക്ക് വീണു. വിമാനത്താവളത്തിലേക്ക് പോയ കാറിന് മുകളിലേക്ക് മരം വീണത്. കാറിൻ്റെ പിൻവശത്താണ് മരം വീണതെന്നതിനാൽ ആർക്കും പരിക്കില്ല. തലനാരിഴയ്ക്കാണ് വലിയ അപകടം ഒഴിവായത്. സ്ഥലത്ത് ഏറെ നേരം ഗതാഗത തടസം അനുഭവപ്പെട്ടു
#VDSatheesan #sad #waste #removal #cost #man's #disappearance
