ചവറ : ആറുമാസം മുന്പ് വിവാഹിതയായ യുവതി ഭര്തൃഗൃഹത്തില് തൂങ്ങിമരിച്ച സംഭവത്തില് ഭര്ത്താവ് അറസ്റ്റില്. ചവറ തോട്ടിന് വടക്ക് കോട്ടയില് വടക്കേതില് ശ്യാംലാല്(25) നെയാണ് ആത്മഹത്യാപ്രേരണാ കുറ്റം ചുമത്തി പോലീസ് അറസ്റ്റ് ചെയ്തത്.
ബുധനാഴ്ച രാവിലെ 11 മണിയ്ക്കാണ് ശ്യാംലാലിന്റെ ഭാര്യ തേവലക്കര പാലയ്ക്കല് തോട്ടുകര വീട്ടില് ടി.സി.രാജേഷിന്റേയും ബീനയുടേയും മകള് സ്വാതിശ്രീയെ(22) വീടിനുള്ളില് തൂങ്ങിമരിച്ച നിലയില് കണ്ടെത്തിയത്. സംഭവസമയത്ത് ശ്യാംലാല് അച്ഛനോടൊപ്പം തിരുവനന്തപുരത്ത് ആശുപത്രിയില് പോയിരിക്കുകയായിരുന്നു.
സ്വാതിശ്രീയെ ശ്യാംലാല് ഫോണില് വിളിച്ച് അസഭ്യം പറയുകയും കൊന്നുകളയുമെന്നും ഭീഷണിപ്പെടുത്തിയതാണ് ആത്മഹത്യയ്ക്കുള്ള പെട്ടന്നുണ്ടായ പ്രകോപനമെന്നാണ് പോലീസ് പറയുന്നത്. സ്വകാര്യ ധനകാര്യ സ്ഥാപനത്തിലെ എക്സിക്യൂട്ടീവായ ശ്യാംലാലുമായി പ്രണയത്തിലായിരുന്ന സ്വാതി 2021ല് വീടുവിട്ടിറങ്ങുകയും ഇയാളെ വിവാഹം ചെയ്യുകയുമായിരുന്നു.
വിവാഹം കഴിഞ്ഞ് ആദ്യ നാളുകളില് തന്നെ ഇരുവരും തമ്മില് അസ്വാരസ്യങ്ങള് ഉണ്ടായിരുന്നുവെന്നാണ് വിവരം. ഭര്ത്താവിന് മറ്റ് സ്ത്രീകളുമായും ബന്ധമുണ്ടെന്ന് ഇവര് മനസിലാക്കിയിരുന്നു. മൊബൈല് ഫോണില് നിന്നും മറ്റുമായി സ്വാതിക്ക് ഇതിന്റെ വിവരങ്ങള് ലഭിച്ചിരുന്നു.
എന്നാല് തിരികെ വീട്ടിലേക്ക് പോകാന് സാധിക്കാത്ത അവസ്ഥയിലായിരുന്നു സ്വാതി. സ്വാതിയും ശ്യാംലാലും തമ്മില് അവസാനമായി നടത്തിയ സംഭാഷണം യുവതി ഫോണില് റെക്കോര്ഡ് ചെയ്ത് സൂക്ഷിച്ചിരുന്നു.
ശ്യാംലാല് യുവതിക്കെതിരെ വധഭീഷണി മുഴക്കുന്ന സംഭാഷണമാണിത്. ഇത് തുടരന്വേഷണത്തില് നിര്ണായക തെളിവാകും. മകളുടെ മരണത്തില് ദുരൂഹത ആരോപിച്ച് പിതാവ് നല്കിയ പരാതിയിലാണ് പോലീസ് അന്വേഷണം നടത്തുന്നത്.
Suicide of the bride; Husband arrested