പേരാമ്പ്ര: (truevisionnews.com) കോഴിക്കോട് റവന്യൂ ജില്ല കലോത്സവത്തിൽ മികച്ച വിജയവുമായി സെന്റ് ഫ്രാൻസിസ് ഇംഗ്ലീഷ് മീഡിയം ഇ എം എച്ച് എസ് പേരാമ്പ്രയിലെ വിദ്യാർത്ഥിനി അനന്യ ആർ.
ഹൈസ്കൂൾ വിഭാഗം കന്നട പദ്യം ചൊല്ലലിൽ സ്കൂളിന് അഭിമാനകരമായ നേട്ടമായി മാറുകയാണ് ഈ 8 ആം ക്ലാസ്സ് വിദ്യാർഥിനി. കന്നട പദ്യത്തിൽ മാത്രമല്ല തമിഴ് പദ്യം ചൊല്ലലിലും എ ഗ്രേഡ് സ്ഥാനം അനന്യ സ്വന്തമാക്കി.
കഴിഞ്ഞ വർഷം നടന്ന തമിഴ് പദ്യം ചൊല്ലലിലും ഒന്നാം സ്ഥാനം നേടിയിരുന്നു. മാർഗ്ഗം കളിയും ഇത് കൂടാതെ ഗ്രൂപ്പ് ഇനത്തിൽ മത്സരിക്കാനുണ്ട്. മെക്കാനിക്കായ അച്ഛൻ രമേഷിന്റെയും അമ്മ രജിതയുടെയും മൂത്തമകളാണ് അനന്യ.
കലയോടുള്ള വീട്ടുകാരുടെയും ബന്ധുക്കളുടെയും താല്പര്യമാണ് തന്നെ ഈ മേഖലയിൽ ഏറെ സന്തോഷത്തോടെ തുടരാൻ സ്വാധീനിക്കുന്നതെന്ന് അനന്യ പറയുന്നു.
#Ananya #tops#Kannada #verse #recitation
