പേരാമ്പ്ര: (truevisionnews.com) ഭരതനാട്യം എച്ച് എസ് എസ് വിഭാഗത്തിൽ എ ഗ്രേഡ് ഒന്നാം സ്ഥാനം നേടി നടക്കാവ് ജി വി എച്ച് എസ് എസ്സിലെ പ്ലസ് ടു വിദ്യാർത്ഥിനി കീർത്തന ടി ടി സംസ്ഥാന സ്കൂൾ കലോത്സവത്തിലേക്ക് യോഗ്യത നേടി.
പ്ലസ് ടു കമ്പ്യൂട്ടർ സയൻസ് വിദ്യാർത്ഥിനിയായ കീർത്തന കഴിഞ്ഞ തവണ മോഹിനിയാട്ടത്തിലും എട്ടാം ക്ലാസിൽ പഠിക്കുമ്പോൾ ഭരതനാട്യത്തിലും എ ഗ്രേഡ് കരസ്ഥമാക്കിയിരുന്നു.
എരിഞ്ഞക്കൽ സ്വദേശി അനൂപ് കുമാറിന്റെയും സജിതയുടെയും മകളാണ് ഈ കൊച്ചു കലാകാരി. എരഞ്ഞിക്കൽ സമർപ്പണ ഫൈൻ ആർട്സ് അക്കാദമിയുടെ അഭിമുഖ്യത്തിൽ നൃത്താധ്യാപകനായ സഹേഷ് എസ് ദേവനാണ് പരിശീലനം നൽകിയത്.
നാളെ (07- 12) നടക്കുന്ന ഹയർ സെക്കൻഡറി വിഭാഗം മോഹിനിയാട്ടം മത്സരത്തിലും കീർത്തന പങ്കെടുക്കുന്നുണ്ട്. ഇളയ സഹോദരി ഹൃത്വികയും നൃത്ത കലയിൽ പരിശീലനം നേടുന്നുണ്ട്.
#Natanavismayam #Keerthana #First #BharathaNatyam
