കോഴിക്കോട് : കുറ്റ്യാടിക്കടുത്ത് തീക്കുനിയിൽ വീടിൻ്റെ മേൽക്കൂര തകർന്ന് വീണ് നിർമ്മാണ തൊഴിലാളി മരിച്ചു. മൂന്ന് പേർക്ക് പരിക്ക്. തീക്കുനിയിലെ സിമൻ്റ് തേപ്പ് -പ്ലാസ്റ്ററിംഗ് തൊഴിലാളികളാണ് അപകടത്തിൽപ്പെട്ടത്.തീക്കുനിയിലെ നെല്ലിയുള്ള പറമ്പിൽ ജിതിൻ (24) ആണ് മരിച്ചത്.
തീക്കുനി സ്വദേശികളായ അനന്തോത്ത് ജിജീഷ് (32) മൊടോ മരുന്നുള്ളതിൽ ജിഷ്ണു (22) അജീഷ് തരിപ്പയിൽ (26) എന്നിവർക്കാണ് പരിക്കേറ്റത്. ഇവർ വടകര ജില്ലാ ആശുപത്രിയിൽ ചികിത്സയിലാണ്.
തീക്കുനിയിലെ മലയിൽ കരിമിൻ്റെ വീടിൻ്റെ അടുക്കള ഭാഗമാണ് തകർന്ന് തൊഴിലാളികളുടെ ദേഹത്തേക്ക് മറിഞ്ഞ് വീണത്. ഇന്ന് രാവിലെ 11.30 ഓടെയാണ് അപകടം. ജിതിൻ്റെ മൃതദേഹം വടകര ജില്ലാ ആശുപത്രി മോർച്ചറിയിലേക്ക് മാറ്റി. അച്ഛൻ കണ്ണൻ ,അമ്മ: ചന്ദ്രി
Worker dies after roof collapses near house; Three people were injured