മലപ്പുറം : കരിപ്പൂര് വിമാനത്താവളം വഴി വെള്ളിയാഴ്ച ജര്മനിയില്നിന്ന് എത്തിയയാള്ക്ക് കോവിഡ് സ്ഥിരീകരിച്ചു. ഇയാളെ കൂടുതല് നിരീക്ഷണത്തിനായി മഞ്ചേരി മെഡിക്കല് കോളജിലേക്ക് മാറ്റി.
ഒമിക്രോണ് ഭീതിയെ തുടര്ന്ന് കേന്ദ്ര സര്ക്കാര് ഹൈ റിസ്ക്കില് ഉള്പ്പെടുത്തിയ രാജ്യങ്ങളില്പെടുന്നതാണ് ജര്മനി. വിമാനത്താവളത്തില് വെച്ചുതന്നെ ആര്.ടി.പി.സി.ആര് പരിശോധന നടത്തിയതില്നിന്നാണ് രോഗം സ്ഥിരീകരിച്ചത്. ഡിസംബര് ഒന്നു മുതല് വെള്ളിയാഴ്ച ഉച്ചവരെ അറുപതോളം പേരാണ് ഹൈറിസ്ക് രാജ്യങ്ങളില്നിന്ന് കരിപ്പൂര് വഴി സംസ്ഥാനത്ത് എത്തിയത്.
അതേസമയം, കഴിഞ്ഞ മാസം 21ന് ഇംഗ്ലണ്ടില്നിന്ന് കോഴിക്കോട് എത്തിയ ഡോക്ടര്ക്ക് കോവിഡ് സ്ഥിരീകരിച്ചതോടെ സ്രവം ഒമിക്രോണ് പരിശോധനക്കയച്ചിരിക്കുകയാണ്. 25 നാണ് ഡോക്ടര്ക്ക് കോവിഡ് സ്ഥിരീകരിച്ചത്. ഇംഗ്ലണ്ടില് ഒമിക്രോണ് സ്ഥിരീകരിച്ച സാഹചര്യത്തില് ഡോകട്റുടെ സ്രവം ഒമിക്രോണ് പരിശോധനക്ക് അയക്കാന് തീരുമാനിക്കുകയായിരുന്നു. രോഗിയുടെ അമ്മക്കും പോസിറ്റീവാണ്.
covid, who arrived from Germany via Karipur Airport