ഓസീസ് ഇതിഹാസ സ്പിന്നർ ഷെയിൻ വോണിന് വാഹനാപകടത്തിൽ പരുക്ക്. മകനൊപ്പം ബൈക്കിൽ സഞ്ചരിക്കവെയാണ് അപകടമുണ്ടായത്. ബൈക്ക് മറിഞ്ഞ് റോഡിലേക്ക് തെറിച്ചുവീണ താരത്തിൻ്റെ പരുക്ക് സാരമുള്ളതല്ലെന്നാണ് വിവരം.
ബൈക്ക് മറിഞ്ഞതിനു പിന്നാലെ വോൺ 15 മീറ്ററോളം ദൂരെ തെറിച്ചുവീണു. അപകടസമയത്ത് വലിയ പ്രശ്നം തോന്നിയില്ലെങ്കിലും പിറ്റേന്ന് രാവിലെ കാലിനും ഇടുപ്പിനും വേദന അനുഭവപ്പെട്ടു എന്ന് വോൺ പറഞ്ഞു. തുടർന്ന് ആശുപത്രിയിൽ ചികിത്സ തേടിയതായും താരം വ്യക്തമാക്കി.
വോണിന്റെ 300 കിലോ ഭാരമുള്ള ബൈക്കാണ് ഞായറാഴ്ച മെല്ബണില് അപകടത്തില്പ്പെട്ടത്. അപകടം നടന്നയുടനെ ആശുപത്രില് പോയില്ലെങ്കിലും തിങ്കളാഴ്ച രാവിലെ ഉറക്കം തെളിഞ്ഞപ്പോള് കടുത്ത വേദന അനുഭവപ്പെട്ടതിനെ തുടര്ന്ന് വോണ് ചികില്സ തേടുകയായിരുന്നു. വോണിന്റെ കാലിനും ഇടുപ്പിനും ഉപ്പൂറ്റിക്കുമാണ് പരിക്ക്.
ഡിസംബര് എട്ടിന് ഗാബയില് തുടങ്ങാനിരിക്കുന്ന ആഷസില് കമന്റേറ്ററുടെ വേഷത്തില് ഷെയ്ന് വോണ് പ്രത്യക്ഷപ്പെടും എന്നാണ് ക്രിക്കറ്റ് ആരാധകരുടെ പ്രതീക്ഷ. എന്നാല് കൊവിഡിന്റെ പുതിയ വകഭേദമായ ഒമിക്രോണിൽ പശ്ചാത്തലത്തില് പരമ്പരയുടെ നടത്തിപ്പ് സംബന്ധിച്ച് ക്രിക്കറ്റ് ഓസ്ട്രേലിയയും ഇംഗ്ലണ്ട് ആന്ഡ് വെയ്ല്സ് ക്രിക്കറ്റ് ബോര്ഡും തമ്മില് ചര്ച്ചകള് തുടങ്ങിയതായാണ് റിപ്പോര്ട്ടുകള്.
Legendary Australian spinner Shane Warne injured in car accident