മുൻ ക്രിക്കറ്റ് താരവും ബിജെപി എംപിയുമായ ഗൗതം ഗംഭീറിന് മൂന്നാം തവണയും വധ ഭീഷണി. ഇ മെയിൽ വഴിയാണ് വധ ഭീഷണി വന്നത്. ഐഎസ്ഐഎസ് കാശ്മീരിന്റെ പേരിലാണ് ഭീഷണി. ഡൽഹി പൊലീസിൽ തങ്ങൾക്ക് ചാരന്മാരുണ്ടെന്നു ഭീഷണി സന്ദേശത്തിൽ പറയുന്നു.
ഡൽഹി പൊലീസിനോ, ഡിസിപി ശ്വേത ചൗഹാനോ തങ്ങളെ ഒന്നും ചെയ്യാൻ ആവില്ലെന്നും സന്ദേശത്തിൽ പറയുന്നു. രാഷ്ട്രീയം വിടണമെന്നും കാശ്മീരിനെ കുറിച്ച് സംസാരിക്കരുതെന്നും, അല്ലെങ്കിൽ ഗൗതം ഗംഭീറിനെയും കുടുംബത്തെയും കൊന്നു കളയും എന്നുമാണ് ആദ്യം സന്ദേശത്തിൽ പറഞ്ഞിരിക്കുന്നത്.
ഗൗതം ഗംഭീറിന്റെ ഡൽഹിയിലെ വസതിയുടെ പുറത്ത് നിന്നുള്ള വിഡിയോ ദൃശ്യങ്ങൾ അടക്കമുള്ളവയാണ് രണ്ടാമത് ലഭിച്ച ഭീഷണി സന്ദേശം. സംഭവത്തിൽ കേസ് രജിസ്റ്റർ ചെയ്ത് അന്വേഷണം ആരംഭിച്ചതായി ഡൽഹി സെൻട്രൽ ഡിസിപി ശ്വേത ചൗഹാൻ വിശദമാക്കി. പരാതി നൽകിയതിനെ തുടർന്ന് ഗൗതം ഗംഭീറിൻറെ വീടിന് സുരക്ഷ വർധിപ്പിച്ചിരുന്നു.
Gautam Gambhir receives death threat for third time