കോട്ടയം: ( truevisionnews.com ) ഉമ്മന്‍ ചാണ്ടിയുടെ സംസ്‌കാര ചടങ്ങുകള്‍ വ്യാഴാഴ്ച ഉച്ചകഴിഞ്ഞ് പുതുപ്പള്ളി സെന്റ് ജോര്‍ജ് ഓര്‍ത്തഡോക്‌സ് വലിയ പള്ളി സെമിത്തേരിയില്‍ നടക്കും.
ഓരോ സ്ഥലത്തും വലിയ ജനാവലിയാണ് ഉമ്മന്‍ ചാണ്ടിയെ അവസാനമായി കാണാന്‍ എത്തിച്ചേരുന്നത്. വിലാപയാത്ര തിരുനക്കരയിലെത്താന്‍ രാത്രി വൈകുമെന്നാണ് വിലയിരുത്തല്‍.
പുതുപ്പള്ളിയില്‍ 20.07.23(വ്യാഴാഴ്ച) രാവിലെ ആറ് മണി മുതല്‍ പൊലീസ് ഗതാഗത നിയന്ത്രണം ഏര്‍പ്പെടുത്തിയിട്ടുണ്ടെന്ന് ജില്ലാ പൊലീസ് മേധാവി അറിയിച്ചു.
ഗതാഗത ക്രമീകരണങ്ങള്‍ ഇങ്ങനെ
1. തെങ്ങണയില്‍ നിന്ന് കോട്ടയം ഭാഗത്തേക്കുള്ള വാഹനങ്ങള്‍ ഞാലിയാകുഴിയില്‍ നിന്ന് ഇടത്തു തിരിഞ്ഞ് ചിങ്ങവനം വഴി പോകുക.
2. തെങ്ങണയില്‍ നിന്ന് മണര്‍കാട് ഭാഗത്തേക്കുള്ള വാഹനങ്ങള്‍ ഞാലിയാകുഴിയില്‍ നിന്ന് കൈതേപ്പാലം വെട്ടത്തുകവല സ്‌കൂള്‍ ജംഗ്ഷനില്‍ നിന്നും തിരിഞ്ഞ് IHRD ജംഗ്ഷനില്‍ എത്തി മണര്‍കാട് പോകുക.
3. മണര്‍കാട് നിന്ന് തെങ്ങണ ഭാഗത്തേക്കുള്ള വാഹനങ്ങള്‍ IHRD ജംഗ്ഷനില്‍ നിന്ന് തിരിഞ്ഞ് വെട്ടത്തുകവല സ്‌കൂള്‍ ജംഗ്ഷനില്‍ എത്തി കൈതേപ്പാലം വഴി തെങ്ങണ പോകുക.
4. കറുകച്ചാല്‍ നിന്ന് കോട്ടയം ഭാഗത്തേക്കുള്ള വാഹനങ്ങള്‍ കൈതേപ്പാലം വെട്ടത്തുകവല സ്‌കൂള്‍ ജംഗ്ഷനില്‍ നിന്ന് തിരിഞ്ഞ് IHRD ജംഗ്ഷനില്‍ എത്തി മണര്‍കാട് പോകുക.
5. കോട്ടയത്ത് നിന്ന് തെങ്ങണ ഭാഗത്തേക്കുള്ള വാഹനങ്ങള്‍ പുതുപ്പള്ളി IHRD ജംഗ്ഷനില്‍ നിന്ന് തിരിഞ്ഞ് വെട്ടത്തുകവല സ്‌കൂള്‍ ജംഗ്ഷനില്‍ എത്തി കൈതേപ്പാലം വഴി തെങ്ങണ പോകുക.
6. കഞ്ഞിക്കുഴി നിന്ന് കറുകച്ചാല്‍ ഭാഗത്തേക്കുള്ള വാഹനങ്ങള്‍ പുതുപ്പള്ളി IHRD ജംഗ്ഷനില്‍ നിന്ന് തിരിഞ്ഞ് വെട്ടത്തുകവല സ്‌കൂള്‍ ജംഗ്ഷനില്‍ എത്തി കൈതേപ്പാലം വഴി തെങ്ങണ പോകുക.
പുതുപ്പള്ളിയില്‍ വരുന്ന വാഹനങ്ങള്‍ പാര്‍ക്ക് ചെയ്യേണ്ട സ്ഥലങ്ങള്‍ താഴെ കൊടുത്തിരിക്കുന്നു.
1 എരമല്ലൂര്‍ ചിറ ഗ്രൗണ്ട്
2 വെയ്‌ക്കേട്ട് ചിറ
3 ജോര്‍ജിയന്‍ പബ്ലിക് സ്‌കൂള്‍ ഗ്രൗണ്ട്
4 ഗവ.എച്ച് എസ് എസ് സ്‌കൂള്‍ ഗ്രൗണ്ട് പുതുപ്പള്ളി
5 ഡോണ്‍ ബോസ്‌കോ സ്‌കൂള്‍ ഗ്രൗണ്ട്
6 നിലക്കല്‍ ചര്‍ച്ച് ഗ്രൗണ്ട്
7 ഹൊറേബ് ചര്‍ച്ച് ഗ്രൗണ്ട്
(പെട്രോള്‍ പമ്പിന് സമീപം)
1. തെക്ക് (തെങ്ങണ/ ചങ്ങനാശ്ശേരി) ഭാഗത്ത് നിന്നും വരുന്ന വാഹനങ്ങള്‍ എരമല്ലൂര്‍ ചിറ ഗ്രൗണ്ട്/വെയ്‌ക്കേട്ട് ചിറ/ ജോര്‍ജിയന്‍ പബ്ലിക് സ്‌കൂള്‍ ഗ്രൗണ്ട്എന്നിവ പാര്‍ക്കിങ്ങിനായി ഉപയോഗിക്കേണ്ടതാണ്.
2. വടക്ക് (കോട്ടയം/ മണര്‍കാട്) ഭാഗത്ത് നിന്നും വരുന്ന വാഹനങ്ങള്‍ ഗവ.എച്ച് എസ് എസ് സ്‌കൂള്‍ ഗ്രൗണ്ട് പുതുപ്പള്ളി/ഡോണ്‍ ബോസ്‌കോ സ്‌കൂള്‍ ഗ്രൗണ്ട് എന്നിവ പാര്‍ക്കിങ്ങിനായി ഉപയോഗിക്കേണ്ടതാണ്.
3. കറുകച്ചാല്‍ ഭാഗത്ത് നിന്നും വരുന്ന വാഹനങ്ങള്‍ നിലക്കല്‍ ചര്‍ച്ച് ഗ്രൗണ്ട് എന്നിവ പാര്‍ക്കിങ്ങിനായി ഉപയോഗിക്കേണ്ടതാണ്.
താഴെപ്പറയുന്ന സ്ഥലങ്ങളില്‍ പാര്‍ക്കിംഗ് ഒഴിവാക്കേണ്ടതാണ് മന്ദിരം കലുങ്ക് മുതല്‍ പുതുപ്പള്ളി ജംഗ്ഷന്‍ വരെയും കാഞ്ഞിരത്തിന്‍ മൂട് ജംഗ്ഷന്‍ മുതല്‍ നിലക്കല്‍ പള്ളി വരെയും ഇരവിനല്ലൂര്‍ കലുങ്ക് മുതല്‍ പുതുപ്പള്ളി ജംഗ്ഷന്‍ വരെയുള്ള റോഡുകളില്‍ പാര്‍ക്കിംഗ് അനുവദിക്കുന്നതല്ല.
#oommenchandy #Puthupalli # paying #last #respects
