ജയ്പുര് : വിവാഹേതര ബന്ധം പുലര്ത്തിയെന്ന് ആരോപിച്ച് പിതാവിനെ നടുറോഡിലിട്ട് മര്ദ്ദിച്ച് പെണ്മക്കള്. മറ്റൊരു സ്ത്രീയ്ക്കൊപ്പം കാറില് പോവുകയായിരുന്ന പിതാവിനെ കാര് തടഞ്ഞുനിര്ത്തി പുറത്തിറക്കിയാണ് മര്ദിച്ചത്. രാജസ്ഥാനിലെ ഭില്വാരയ്ക്ക് സമീപമുള്ള ഹനുമാന് നഗറിലെ കുച്ചല്വാരയിലാണ് സംഭവം.
പിതാവിനെ പെണ്മക്കള് മര്ദിക്കുന്ന ദൃശ്യം സാമൂഹിക മാധ്യമങ്ങളില് വൈറലായതിന് പിന്നാലെയാണ് സംഭവം പുറംലോകമറിയുന്നത്. രണ്ട് പെണ്മക്കളുള്ളപ്പോള് മറ്റൊരു സ്ത്രീയുമായി ബന്ധം പുലര്ത്താന് നാണക്കേട് തോന്നുന്നില്ലേയെന്ന് ചോദിച്ചായിരുന്നു യുവതികള് പിതാവിനെ മര്ദിച്ചത്.
തുടക്കത്തില് കാര് തടഞ്ഞുനിര്ത്താനുള്ള പെണ്കുട്ടികളുടെ ശ്രമം പരാജയപ്പെട്ടതോടെ നാട്ടുകാരാണ് കാര് തടഞ്ഞുനിര്ത്തിയത്. കുടുംബത്തിലെ സമാധാനം പിതാവിന്റെ വിവാഹേതര ബന്ധത്തെ തുടര്ന്ന് തകര്ന്നുവെന്നാണ് പെണ്കുട്ടികള് ആരോപിക്കുന്നത്. പിതാവിനൊപ്പമുണ്ടായിരുന്ന സ്ത്രീയ്ക്കും പെണ്കുട്ടികളുടെ മര്ദ്ദനമേല്ക്കേണ്ടി വന്നിട്ടുണ്ട്. സംഭവത്തില് ഇതുവരെ ആരും പരാതിയുമായി പോലീസ് സ്റ്റേഷനിലെത്തിയിട്ടില്ലെന്ന് പോലീസ് വ്യക്തമാക്കി.
Had an extramarital affair; The daughters beat the father in the middle of the road