ഭോപ്പാല് : പ്ലസ് ടു വിദ്യാര്ത്ഥിയായ ഭര്ത്താവ് സ്കൂളില് പോയ സമയത്ത് ഭര്തൃപിതാവ് പീഡിപ്പിച്ചെന്ന പരാതിയുമായി പെണ്കുട്ടി. മദ്ധ്യപ്രദേശിലെ ഗുണ ജില്ലയിലെ മയാനയിലാണ് സംഭവം. രാജസ്ഥാന് സ്വദേശിനിയായ 21കാരിയായ പെണ്കുട്ടിയാണ് ഭര്തൃപിതാവിനെതിരെ പോലീസില് പരാതി നല്കിയത് .
ഗുണയില് നിന്നുള്ള 22കാരനാണ് പെണ്കുട്ടിയെ വിവാഹം കഴിച്ചത്. പ്ലസ് ടു വിദ്യാര്ത്ഥിയാണ് പെണ്കുട്ടിയുടെ ഭര്ത്താവ് . ഗുണ ടൗണിലെ സ്കൂളില് വിദ്യാര്ത്ഥിയായ ഭര്ത്താവ് ഗ്രാമത്തില് നിന്ന് സ്കൂളിലേക്ക് പോയിരുന്ന സമയത്താണ് ഭര്തൃപിതാവ് തന്നെ ബലാത്സംഗം ചെയ്തതെന്നും ഇപ്പോള് തന്നെ കൊല്ലുമെന്ന് ഭീഷണിപ്പെടുത്തുകയാണെന്നും പെണ്കുട്ടി പരാതിയില് പറയുന്നു .
തന്റെ ഭാര്യാപിതാവിന്റെ പക്കല് നിരവധി നിയമവിരുദ്ധ ആയുധങ്ങള് ഉണ്ടെന്നും കുടുംബാംഗങ്ങളെ ഭീഷണിപ്പെടുത്തുന്നതിനിടയില് അദ്ദേഹം പലപ്പോഴും ഇവ കാണിക്കാറുണ്ടെന്നും പെണ്കുട്ടി പരാതിയില് പറയുന്നു കുടുംബത്തിലെ മറ്റ് സ്ത്രീകളെയും ഇയാള് ബലാത്സംഗം ചെയ്യുന്നതായും, ഭീഷണിപ്പെടുത്തുന്നുണ്ടെന്നും പെണ്കുട്ടി പോലീസിനോട് പറഞ്ഞു .
എന്നാല് കുടുംബത്തിലെ സ്വത്ത് തര്ക്കമാണ് തന്നെ കുടുക്കിയതെന്നാണ് ഭര്തൃപിതാവിന്റെ വാദം. പോലീസ് പ്രാഥമിക അന്വേഷണത്തിന് ശേഷം കേസ് രജിസ്റ്റര് ചെയ്തു. മറ്റ് ആരോപണങ്ങള് അന്വേഷിക്കുകയാണെന്നും പോലീസ് പറഞ്ഞു
The girl complained that her husband had abused her while her student husband was going to school