തിരുവനന്തപുരം: (truevisionnews.com) പട്രോളിങ്ങിനിടെ പൂന്തുറ എസ്ഐ ജയപ്രകാശിനെ കമ്പിവടി കൊണ്ട് തലക്കടിച്ച് അപായാപ്പെടുത്താന് ശ്രമിച്ച സംഭവം . കേസിലെ മൂന്നാം പ്രതി പൊലീസ് കസ്റ്റഡിയില്. ബീമാപളളി പുതുവല് പുരയിടത്തില് മുഹമ്മദ് സിറാജ് (26) ആണ് കസ്റ്റഡിയിലായത്. ഇയാളെ ദിവസങ്ങള് മുമ്പ് ഒന്നരക്കിലോ കഞ്ചാവുമായി അമരവിള എക്സൈസ് സംഘം പിടികൂടിയിരുന്നു.
ആ കേസുമായി ബന്ധപ്പട്ട് റിമാന്ഡില് കഴിയവെയാണ് പൂന്തുറ പൊലീസ് ഇയാളെ കസ്റ്റഡിയില് വാങ്ങിയത്. മെയ് 14 -ന് രാത്രി 10.30 ഓടെ ബീമാപ്പളളി ഭാഗത്ത് രാത്രി പട്രോളിങ്ങിനിടെയാണ് സംഭവം നടന്നത്. ബീമാപ്പളളി ഭാഗത്ത് നിരന്തരം രാത്രികാലങ്ങളില് കഞ്ചാവ് കച്ചവടം നടക്കുന്നതായി ലഭിച്ച പരാതിയുടെ അടിസ്ഥാനത്തിലാണ് പൊലീസ് സംഘം സ്ഥലത്തുണ്ടായിരുന്ന നാലു പേരെ ദേഹപരിശോധന നടത്തിയത് .
ഒടുവിൽ സ്ഥലത്തുണ്ടായിരുന്ന മറ്റ് ആഞ്ചംഗ സംഘം പൊലീസുകാരുമായി ഏറ്റുമുട്ടുകയും അതിലൊരാള് ഇരുമ്പുകമ്പി കൊണ്ട് എസ്ഐയുടെ തല ലക്ഷ്യമാക്കി അടിക്കുകയും ചെയ്തു . എന്നാൽ ആക്രമണ സമയത്ത് എസ്ഐ ഒഴിഞ്ഞു മാറിയതിനാല് അപകടത്തില് നിന്ന് രക്ഷപ്പെട്ടു. തുടര്ന്ന് സംഘം പൊലീസുകാരുമായി ഏറ്റുമുട്ടുകയും മൂന്ന് പൊലീസുകാര്ക്ക് പരിക്കേല്ക്കുകയും ചെയ്തു . രാത്രി പരിശോധന നടത്താന് പാടില്ലെന്ന് പറഞ്ഞാണ് സംഘം അതിക്രമം നടത്തിയത് .
Incident of attempting to endanger SI; The accused is in police custody