മലപ്പുറം : ആറ് വിദ്യാർത്ഥികൾക്കും ഡ്രൈവർക്കും പരിക്ക് പറ്റിയ മലപ്പുറം തിരുന്നാവായ സ്കൂൾ ബസ് അപകടത്തിന് കാരണം ബസ്സിൻ്റെ ബ്രേക്ക് തകരാറിലായതെന്ന് കണ്ടെത്തി. തിരുന്നാവായ നാവാമുകന്ദ ഹയർ സെക്കൻഡറി സ്കൂളിലെ ബസ് ആണ് അപകടത്തിൽ പെട്ടത്.
ബസ് നിയന്ത്രണം വിട്ട് മരത്തിൽ ഇടിക്കുകയായിരുന്നു. ബസിൽ നിരവധി വിദ്യാർത്ഥികൾ ഉണ്ടായിരുന്നു. ആറ് വിദ്യാർത്ഥികൾക്ക് പരുക്കുണ്ട്. ഇതിൽ രണ്ട് കുട്ടികളുടെയും ഡ്രൈവറുടെയും പരിക്ക് ഗുരുതരമാണെന്നാണ് വിവരം.
ഇന്ന് ഉച്ചയ്ക്ക് രണ്ടു മാണിയോട് കൂടിയായിരുന്നു അപകടം. ബസിന് ബ്രേക്ക് നഷ്ടപ്പെടുകയും റോഡരികിൽ ഉണ്ടായിരുന്ന മരത്തിലേക്ക് ഇടിച്ച് കയറുകയുമായിരുന്നു. ഇടിയിൽ വാഹനത്തിന്റെ മുൻവശം പൂർണ്ണമായും തകർന്നു.
Malappuram school bus accident; The bus lost control and braked