ടെലിവിഷന്‍ പ്രക്ഷേപണ രംഗത്ത് വിപ്ലവം സൃഷ്ടിക്കുന്ന കണ്ടുപിടുത്തവുമായി ഇന്ത്യന്‍ വംശജന്‍

Loading...

ന്യൂയോര്‍ക്ക്:അന്തരീക്ഷത്തിലെ ടിവി സിഗ്നലുകള്‍ പിടിച്ചെടുത്ത് ഇന്റര്‍നെറ്റ് സ്ട്രീമിംഗും റെക്കോര്‍ഡിംഗും സാധ്യമാക്കുന്ന ആന്റിനയാണ് ചേട്ട് കനോജ kandu. എന്നയാള്‍ കണ്ടുപിടിച്ചിരിക്കുന്നത്. ഇതിനകം ടെലിവിഷന്‍ കമ്പനികളുടെ സഹായമില്ലാതെ ടിവി പ്രക്ഷേപണം നടത്തുന്ന എയ്‌റിയോ എന്ന കമ്പനിയുടെ തലവനാണ് ഇദ്ദേഹം.

അന്തരീക്ഷത്തിലൂടെ പ്രസരണം ചെയ്യുന്ന ഏതുതരം ടെലിവിഷന്‍ സിഗ്നലിനെയും സ്വീകരിച്ച് ഒരു ഡിജിറ്റല്‍ വീഡിയോ റെക്കോര്‍ഡറിന്റെ സഹായത്തോടെ ഇന്റര്‍നെറ്റ് വഴി സംപ്രേഷണം സാധ്യമാക്കുകയാണ് കുഞ്ഞു റിമോര്‍ട്ട് ആന്റിന ചെയ്യുന്നത്. ഒരു കൈവെള്ളയില്‍ കൊള്ളുന്നതാണ് ഈ ആന്റിന എന്നാണ് പ്രധാന പ്രത്യേകത.

വയറും കേബിളും സെറ്റ് ടോപ്പ് ബോക്‌സും ഒന്നും ഇതിന് ആവശ്യമില്ല എന്നതാണ് ഏറ്റവും വലിയ പ്രത്യേകത. ഓണ്‍ലൈന്‍ സ്ട്രീമിംഗ് രംഗത്തും ഇന്റര്‍നെറ്റ് എനേബിള്‍ഡ് ടെലിവിഷന്‍ രംഗത്തും വലിയ വിപ്ലവത്തിനായിരിക്കും ഈ കണ്ടുപിടുത്തം വഴിയൊരുക്കുക.

എന്നാല്‍ ഈ സാങ്കേതികത ടെറ്റാന്‍സ് എന്ന ടെക്നോളജി കമ്പനിയില്‍ നിന്നും മോഷ്ടിച്ചതാണെന്ന പരാതിയും ഉയരുന്നുണ്ട്. ഇത് സംബന്ധിച്ച് ടൈറ്റിന്‍സ് നല്‍കിയ ഹരജി അമേരിക്കന്‍ സുപ്രീംകോടതി ഫയലില്‍ സ്വീകരിക്കുകയും ചെയ്തിട്ടുണ്ട്. ഇതിനോപ്പം ടെലിവിഷന്‍ കമ്പനികള്‍ കനോജക്കെതിരെ രംഗത്തെത്തിയിട്ടുണ്ട്. കനോജയുടെ ആന്റിന വന്നാല്‍ ആര്‍ക്കും ഏത് ചാനല്‍ പരിപാടിയും മോഷ്ടിക്കാന്‍ സാധിക്കുമെന്നാണ് ഇവരുടെ ആരോപണം

ചുവടെ കൊടുക്കുന്ന അഭിപ്രായങ്ങള്‍ ട്രൂവിഷന്റെതല്ല . സോഷ്യല്‍ നെറ്റ്‌വര്‍ക്ക് വഴി ചര്‍ച്ചയില്‍ പങ്കെടുക്കുന്നവര്‍ അശ്ലീലമോ അസഭ്യമോ തെറ്റിദ്ധാരണാജനകമോ അപകീര്‍ത്തികരമോ നിയമവിരുദ്ധമോ ആയ അഭിപ്രായങ്ങള്‍ പോസ്റ്റ് ചെയ്യുന്നത് സൈബര്‍ നിയമപ്രകാരം ശിക്ഷാര്‍ഹമാണ്. വ്യക്തികള്‍, മതസ്ഥാപനങ്ങള്‍ എന്നിവയ്‌ക്കെതിരേയുള്ള പരാമര്‍ശങ്ങള്‍ ഒഴിവാക്കേണ്ടതാണ്....ട്രൂവിഷന്‍ ടീം