ഡല്‍ഹിയിലെ കേരള ഹൗസിന് മുന്നില്‍ മുഖ്യമന്ത്രിക്ക് വധഭീഷണി. കത്തി വീശിയാ യഒവാവിനെ സുരക്ഷാ ഉദ്യോഗസ്ഥര്‍ ബലം പ്രയോഗിച്ച് പിടികൂടി. അക്രമത്തിന് മുതിര്‍ന്നത് ആലപ്പുഴ ചെട്ടിക്കുളങ്ങര സ്വദേശി വിമല്‍രാജാണെന്ന് പൊലീസ് സ്ഥിരീകരിച്ചു.
രാവിലെ 9.45നാണ് ഇയാള്‍ കത്തിയും കടലാസുകളുമായി കേരള ഹൗസിലേക്ക് എത്തിയത്. നേരെ മാധ്യമപ്രവര്‍ത്തകരുടെ ക്യാമറകള്‍ സ്ഥാപിച്ച ഭാഗത്തേക്ക് വന്ന വിമല്‍രാജ് ഇവിടെ വച്ച് തനിക്ക് ജോലി ചെയ്യാന്‍ സാധിക്കുന്നില്ലെന്നും മന്ത്രിമാരെയും മുഖ്യമന്ത്രിയെയും കണ്ടിട്ടും യാതൊരു സഹായവും ലഭിച്ചില്ലെന്നും ആരോപിച്ചു. പിന്നീട് ബാഗില്‍ നിന്നും കത്തിയെടുത്ത് വീശി. ഇതോടെയാണ് ഇയാളെ പൊലീസ് പിടികൂടുന്നത്.
കേരള ഹൗസില്‍ മുന്‍ മുഖ്യമന്ത്രി ഉമ്മന്‍ ചാണ്ടിയും മുഖ്യമന്ത്രി പിണറായി വിജയനും തമ്മില്‍ കൂടിക്കാഴ്ച നടത്തിയിരുന്നപ്പോഴാണ് സംഭവം. ഇടപ്പളളിയില്‍ ജപ്തി ഭീഷണി നേരിടുന്ന പ്രീത ഷാജിയുടെ വിഷയത്തില്‍ സര്‍ക്കാര്‍ ഇടപെടണമെന്നാവശ്യപ്പെട്ടായിരുന്നു കൂടിക്കാഴ്ച.
