കുമരകം: (truevisionnews.com) നിര്ത്തിയിട്ടിരുന്ന ഓട്ടോറിക്ഷയില് കാര് നിയന്ത്രണം വിട്ട് ഇടിച്ചു കയറി ഓട്ടോ ഡ്രൈവര്ക്കും രണ്ട് യാത്രക്കാര്ക്കും ഗുരുതര പരിക്ക്.
കുമരകം ബോട്ട് ജെട്ടിക്ക് സമീപം തിങ്കളാഴ്ച വൈകിട്ട് 5.30-ഓടെയാണ് സംഭവം.
ചന്ത കവലില്നിന്ന് വന്ന കാര് ബോട്ട് ജെട്ടി ലയണ് ക്ലബ്ബിന്റെ സമീപം പച്ചക്കറി കടയ്ക്ക് എതിര്വശം നിര്ത്തിയിട്ടിരുന്ന ഓട്ടോറിക്ഷയിലേക്ക് ഇടിച്ചു കയറുകയായിരുന്നു.
ഈ സമയം ഇതുവഴി കടന്നുവന്ന ഇരുചക്ര വാഹനത്തിലും കാര് ഇടിച്ചെങ്കിലും ബൈക്ക് യാത്രികന് നിസ്സാരപരിക്കുകളോടെ രക്ഷപ്പെട്ടു.
പൊതുപ്രവര്ത്തകനും ഓട്ടോ ഡ്രൈവറുമായ വാലേച്ചിറ വീട്ടില് അജയന് (46) , ശ്രീജ വാലേച്ചിറ (39) എന്നിവര്ക്ക് തലയ്ക്ക് ഗുരുതര പരിക്കേറ്റു.
ഇവരെ കോട്ടയം മെഡിക്കല് കോളേജ് ആശുപത്രിയില് പ്രവേശിപ്പിച്ചു. നെഞ്ചിലും കാലിലും പരിക്കേറ്റ സഹയാത്രികനായ കുറ്റിക്കാട്ട് വീട്ടില് ജിബിന് (39) കുമരകം എസ്.എച്ച്. മെഡിക്കല് സെന്ററില് ചികിത്സയിലാണ്.
#car #rammed #stopped #autorickshaw. #Two #people #seriously #injured