തിരുവനന്തപുരം: www.truevisionnews.com ഡ്രൈവർ-മേയർ തർക്കം നടന്ന ദിവസം കെ.എസ്.ആർ.ടി.സി ബസിൽ ഡ്യൂട്ടിയിലുണ്ടായിരുന്ന കണ്ടക്ടർ സുബിന് ഡി.വൈ.എഫ്.ഐ പ്രവര്ത്തകനാണെന്ന് ഡ്രൈവർ യദു.
സച്ചിന്ദേവ് എം.എല്.എ ബസില് കയറിയത് കണ്ടില്ല എന്നതടക്കമുള്ള കണ്ടക്ടറുടെ മൊഴി നുണയാണ്. മെമ്മറി കാര്ഡ് കാണാതായതില് കണ്ടക്ടറെ സംശയിക്കുന്നതായും ഡ്രൈവർ വ്യക്തമാക്കി.
മേയര് ആര്യാ രാജേന്ദ്രനും ഭർത്താവ് സച്ചിന് ദേവ് എംഎല്എയുമായുള്ള തര്ക്കത്തില് കോടതിയെ സമീപിച്ച് കെഎസ്ആര്ടിസി ഡ്രൈവര് എച്ച്.എല്.യദു. ബസ് തടഞ്ഞതിലും ഔദ്യോഗിക കൃത്യനിര്വഹണം തടസ്സപ്പെടുത്തിയതിലും അന്വേഷണം വേണമെന്ന് ആവശ്യപ്പെട്ടാണു ഹർജി.
തിരുവനന്തപുരം മജിസ്ട്രേറ്റ് കോടതി മൂന്ന്, യദുവിന്റെ ഹർജി ഫയലിൽ സ്വീകരിച്ചു. ഹര്ജി തിങ്കളാഴ്ച കോടതി പരിഗണിക്കും. മേയർക്കെതിരായ യദുവിന്റെ പരാതിയിൽ ഇതുവരെ പൊലീസ് കേസെടുത്തിട്ടില്ല. തുടർന്നാണ് കോടതിയെ സമീപിച്ചത്.
അതേസമയം, തര്ക്കമുണ്ടായ ദിവസം ബസിലെ കണ്ടക്ടറായിരുന്ന സുബിന് ഡിവൈഎഫ്ഐ പ്രവര്ത്തകനാണെന്നും സച്ചിന്ദേവ് എംഎല്എ ബസില് കയറിയത് കണ്ടില്ലെന്നത് ഉള്പ്പെടെ കണ്ടക്ടര് പൊലീസിനു നല്കിയ മൊഴി നുണയാണെന്നും യദു ആരോപിച്ചു.
പിന്സീറ്റിലാണ് ഇരുന്നതെന്നു പൊലീസിനോടു പറഞ്ഞതും പച്ചക്കള്ളമാണ്, കണ്ടക്ടര് മുന് സീറ്റിലാണ് ഇരുന്നത്. എംഎല്എ സച്ചിൻ ദേവ് ബസില് കയറിയപ്പോള് എഴുന്നേറ്റ് സീറ്റ് നല്കിയത് കണ്ടക്ടറാണ്.
എംഎല്എ വന്നപ്പോള് സഖാവേ ഇരുന്നോളു എന്നു പറഞ്ഞു മുന്നിലെ സീറ്റ് മാറിക്കൊടുത്തെന്നും യദു ആരോപിച്ചു. മെമ്മറി കാര്ഡ് കാണാതായ സംഭവത്തില് കണ്ടക്ടറെ സംശയമുണ്ട്.
കണ്ടക്ടറും എംഎല്എയും അടക്കം ഗൂഢാലോചന നടത്തിയോ എന്നും സംശയമുണ്ട്. തനിക്കെതിരായ ആരോപണങ്ങളില് അഞ്ചുപേരെ എതിര്കക്ഷിയാക്കി ഹര്ജി നല്കിയിട്ടുണ്ടെന്നും യദു പറഞ്ഞു.
#conductor #dyfi #worker #conductor #suspected #missing #memory #card #driver #yadhu