‘നരേന്ദ്രഭായ് താങ്കളുടെ കെട്ടിപ്പിടുത്ത നയതന്ത്രം പരാജയപ്പെട്ടിരിക്കുന്നു’: രാഹുല്‍ ഗാന്ധി

മുംബൈ സ്‌ഫോടന പരമ്പരയുടെ സൂത്രധാരന്‍ ഹാഫിസ് സഈദിനെ വീട്ടു തടങ്കലില്‍ നിന്ന് വിട്ടയച്ച പശ്ചാത്തലത്തില്‍ പ്രധാനമന്ത്രി നരേന്ദ്ര മോഡിയും അമേരിക്കന്‍ പ്രസിഡന്റ് ഡൊണാള്‍ഡ് ട്രംപുമായുള്ള സൗഹൃദത്തെ പരിഹസിച്ച് കോണ്‍ഗ്രസ് ഉപാധ്യക്ഷന്‍ രാഹുല്‍ ഗാന്ധി. മോഡിയുടെ ‘കെട്ടിപ്പിടുത്ത നയതന്ത്രത്തി’ന്റെ പരാജയമാണ് ഹാഫിസ് സഈദിന്റെ വിടുതലെന്ന് രാഹുല്‍ ഗാന്ധി പറഞ്ഞു. യു.എസ് പ്രസിഡന്റ് ഡൊണാള്‍ഡ് ട്രംപുമായി നടത്തിയ കെട്ടിപ്പിടുത്ത നയതന്ത്രം പരാജയപ്പെട്ടിരിക്കുന്നു. മുംബൈ സ്‌ഫോടന പരമ്പരയുടെ സൂത്രധാരനെ വീട്ടു തടങ്കലില്‍ നിന്ന് വിട്ടയച്ചുവെന്നാണ് കോണ്‍ഗ്രസ് ഉപാധ്യക്ഷന്‍ ട്വിറ്ററില്‍ കുറിച്ചത്.

നരേന്ദ്രഭായ്, ഭീകരവാദികളുടെ സൂത്രധാരന്‍ സ്വതന്ത്രനായി. ലഷ്‌കറെ ത്വയ്ബയില്‍ നിന്ന് പാക് സൈനിക ഫണ്ട് പ്രസിഡന്റ് ട്രംപ് വേര്‍തിരിച്ചു. കെട്ടിപ്പിടുത്ത നയതന്ത്രം പരാജയപ്പെട്ടിരിക്കുന്നു. കൂടുതല്‍ കെട്ടിപ്പിടുത്തം ഉടനടി ആവശ്യമാണ് എന്നാണ് രാഹുലിന്റെ ട്വീറ്റ്. മുമ്പു രാഹുല്‍ മോഡിക്കെതിരെ ഇത്തരം പരാമര്‍ശങ്ങള്‍ നടത്തിയിരുന്നു. ജിഎസ്ടിയെ പരിഹസിച്ച് രാഹുല്‍ നടത്തിയ ഗബ്ബര്‍ സിംഗ് ടാക്‌സ് അടക്കം വന്‍സ്വീകര്യത നേടിയിരുന്നു.

ചുവടെ കൊടുക്കുന്ന അഭിപ്രായങ്ങള്‍ ട്രൂവിഷന്റെതല്ല . സോഷ്യല്‍ നെറ്റ്‌വര്‍ക്ക് വഴി ചര്‍ച്ചയില്‍ പങ്കെടുക്കുന്നവര്‍ അശ്ലീലമോ അസഭ്യമോ തെറ്റിദ്ധാരണാജനകമോ അപകീര്‍ത്തികരമോ നിയമവിരുദ്ധമോ ആയ അഭിപ്രായങ്ങള്‍ പോസ്റ്റ് ചെയ്യുന്നത് സൈബര്‍ നിയമപ്രകാരം ശിക്ഷാര്‍ഹമാണ്. വ്യക്തികള്‍, മതസ്ഥാപനങ്ങള്‍ എന്നിവയ്‌ക്കെതിരേയുള്ള പരാമര്‍ശങ്ങള്‍ ഒഴിവാക്കേണ്ടതാണ്....ട്രൂവിഷന്‍ ടീം